კორონავირუსისგან განკურნებული საქართველოს მორაგბეთა ნაკრების მწვრთნელი ლევან მაისაშვილი, რომელიც სამშობლოში რამდენიმე დღის წინ დაბრუნდა, „იმედის“ ეთერში ავადმყოფობის ურთულეს პერიოდს იხსენებს.
„6 ივლისს მომათავსეს ჰოსპიტალში, 8 რიცხვიდან უკვე აღარაფერი მახსოვს. 28 დღე გათიშული ვიყავი, აპარატი ფილტვებს ბერავდა 100 პროცენტით და სატურაცია 80 პროცენტზე ვერ აჰყავდათ. ბევრჯერ უთხრეს რაგბის კავშირის ხელმძღვანელობას იქაურმა ექიმებმა, ამ ღამეს ვერ გაატანსო. ერთადერთი ვახტანგ რეხვიაშვილი იყო, რომელსაც ბოლომდე სჯეროდა, რომ გამოვძვრებოდი.
ვარ ერთი დოზით აცრილი. ორი დოზით აცრა ვერ მოვასწარი, ვადებში ვერ ჩავეტიე, რადგან მომიწია გამგზავრება. ვინც აცრილი იყო, მათ ეს პრობლემა არ ჰქონიათ
თვალი რომ გავახილე, მთელი მედპერსონალი შოკში იყო. 10 დღეში უკვე გამოვკეთდი. აქ ჩამოსვლის დღიდან სატურაცია დალაგებული მაქვს, ჟანგბადი აღარ მჭირდება. წნევებიც დამირეგულირდა. ამჟამად ფილტვებს უნდა სერიოზული რებილიტაცია” – აღნიშნა მაისაშვილმა.
კომენტარები