თურქმენეთის ხელისუფლება ყველაზე განსხვავებულად ებრძვის კორონავირუსს და შესაბამისად – ინფიცირებულის არც ერთი შემთხვევა არ დასტურდება ქვეყანაში – თურქმენეთმა სიტყვა „კორონავირუსი“ აკრძალა, მიზანს კი პანდემიის შესახებ ინფორმაციის დამალვა წარმოადგენს. ამის შესახებ ინფორმაციას ორგანიზაცია „რეპორტიორები საზღვრებს გარეშე“ ავრცელებს.
უფლებადამცველების ინფორმაციით, ქვეყანაში სიტყვა „კორონავირუსის“ გამოყენება ყველა მედიასაშუალებას აეკრძალა. ის ამოიღეს აგრეთვე სპეციალური ბროშურებიდან, რომლებსაც თურქმენეთის ჯანდაცვის სამინისტრო სასწავლო დაწესებულებებს, საავადყოფოებსა და სამუშაო ადგილებს ურიგებს.
გარდა ამისა, შეიძლება დააპატიმრონ მოქალაქეები, რომლებიც ქუჩაში ნიღბებს ატარებენ და მსოფლიოში კორონავირუსის პანდემიის შესახებ ლაპარაკობენ.
ბოლო მონაცემებით, ქვეყანაში ვირუსით ინფიცირების არც ერთი შემთხვევა არ დადასტურებულა.
კომენტარები