თურქეთში, სავარაუდოდ, საპრეზიდენტო არჩევნების მეორე ტური დაინიშნება

„ჰაბერთურქის“ მონაცემებით, თურქეთის საპრეზიდენტო არჩევნებში ამ დროისთვის უბნების 92 პროცენტია დათვლილი.

წინასწარი მონაცემები ასეთია: თურქეთის მოქმედი პრეზიდენტი რეჯეფ თაიფ ერდოღანი – 49.76 %,  გაერთიანებული ოპოზიციის კანდიდატი ქემალ ქილიჩდაროღლუ – 44.49  %, სინან ოღანი -5.30 %.

რაც შეეხება საპარლამენტო არჩევნების წინასწარ შედეგებს, წინასწარი მონაცემებით, 50.11%-ით საპარლამენტო არჩევნებში ლიდერობს ერდოღანი „სახალხო ალიანსი“, 34.76%-ით მეორე ადგილზეა ოპოზიციის ეროვნული ალიანსი, 9.79%-ით მესამე ადგილს იკავებს მემარცხენე ძალების ალიანსი. საპარლამენტო არჩევნების შემთხვევაში დათვლილია უბნების 87.53 პროცენტი.