“თუკი საკანში მყოფ ნინოს სჯერა, რომ გავიმარჯვებთ, მე რა უფლება მაქვს, არ მჯეროდეს?!” – ნიქო გორგილაძე

ბლოგერი, ნიქო გორგილაძე:

და მაინც: დარწმუნებული ვარ, რომ მალე გავიმარჯვებთ!

რატომ?

პასუხი არ მაქვს.

ეს რწმენა არაფერზეა დაფუძნებული, არაფერ რაციონალურზე, მხოლოდ ავადმყოფურ სიყვარულზე.

ან რა იმედგაცრუებაზეა ლაპარაკი, როცა საკანში გამოკეტილი უდანაშაულო პატიმრები გვყავს.

ეს ფოტო გასული წლის დეკემბერში ბერლინში შეხვედრისას გადავუღე ნინო დათაშვილს, დიდი ხნის ფეისბუკ მეგობარს, აწ უკვე პოლიტიკურ პატიმარს.

შეხედეთ, როგორია: ერთი შეხედვით ნაივური, გულუბრყვილო და დაბნეული, ამავდროულად მუდმივად თვითგანვითარებაზე ორიენტირებული მასწავლებელი და დაუღალავად მებრძოლი პატრიოტი.

რა უნდა ამ ქალს ციხეში?

რომ იცნობდეთ, კიდევ უფრო გაგაოგნებდათ ამ უსამართლობის სიღრმე… ერთხელაც ვერ მივწერე წერილი, ხან რას ვიმიზეზებ, ხან რას, სინამდვილეში — მრცხვენია!