თუ თქვენ პრინციპულობას ეძახით სიხისტეს, დიახ, ვარ ხისტი ალბათ. თუ თქვენ იმ სიმართლის პირდაპირ თქმას, რისიც მე მჯერა, სიხისტეს ეძახით, დიახ, შეიძლება მე ვარ ხისტი. თუმცა, მე ამ ყველაფერში ვარ გულწრფელი და ვფიქრობ, ეს არის მთავარი, რომ ადამიანი იყოს გულწრფელი თავის სიტყვებში და თავის საქმეში. ის რასაც მე ვამბობდი აქამდე და ვიტყვი ამის შემდეგ, იქნება ის სიმართლე, რომლისაც მე მჯერა, იქნება ის პირდაპირი დამოკიდებულება, რომელიც მე მექნება”.
ასე უპასუხა პარლამენტის თავმჯდომარეობის კანდიდატმა, შალვა პაპუაშვილმა დეპუტატ ხათუნა სამნიძეს, რომელმაც ხისტი განცხადებების კეთებაში დაადანაშაულა.
ბატონო შალვა, თქვენთვის და ისედაც, ღიადაც მითქვამს, რომ თქვენ ხართ ერთ-ერთი პარლამენტარი, „ქართული ოცნების“ ერთ-ერთი ლიდერი, რომელიც ყველაზე ხისტი განცხადებებით გამოირჩევით, როგორც ოპოზიციის მიმართ, ასევე ჩვენი დასავლელი პარტნიორების კრიტიკული განცხადებების მიმართ. მინდა გკითხოთ, თქვენ ახსენეთ და ხაზი გაუსვით, რომ თავს მოხვეულია პოლარიზაცია, რომელიც დღეს ქვეყანაშია, როგორც პარლამენტის თავმჯდომარე, რას გეგმავთ და რას აპირებთ იმ ერთადერთ საკითხზე, რომელიც დარჩა მაგიდაზე, რაც საკონსტიტუციო ცვლილებებია, რაზეც შეთანხმებულია ოპოზიცია და ხელისუფლება და როგორი ხედვა გაქვთ, როდის აპირებთ ამ საკითხის განხილვას? როგორც თქვენ აღნიშნეთ, თურმე, თავსმოხვეული პოლარიზაციის ერთ-ერთი საკითხი, რომელიც გადაჭრიდა ამ პრობლემას, არის სწორედ სრულიად პროპორციული დაბალი ბარიერით სისტემა და ის საკითხი, რაზეც პრინციპში, შეთანხმებულია ოპოზიცია და ხელისუფლება“, – განაცხადა სამნიძემ.
კომენტარები