ქუთაისის ოპერის თეატრის დირექტორი აცხადებს, რომ კულტურის მინისტრი მას თანამდებობის დატოვებას სთხოვს. ამის შესახებ თორნიკე მარჯანიშვილმა მედიასთან საუბრისას განაცხადა.
მისი თქმით, ეს მოთხოვნა მის პოლიტიკურ შეხედულებებსა და განცხადებას უკავშირდება.
„როცა ავედით სამხატვრო ხელმძღვანელთან კაბინეტში, მან იკითხა, პოლიტიკოსი მარჯანიშვილი რომელიაო. მითხრა, თუ პოლიტიკა გინდოდა, იქ რატომ არ გააგრძელე საქმიანობაო.
ცხელ გულზე გადაწყვეტილებას არ ვიღებ. სამხატვრო ხელმძღვანელმაც მითხრა, შენს ადგილზე განცხადებას დავწერდიო.
ამ ხელფასის გარდა შემოსავალი არ მაქვს. მაშინ ჩემი სახლი უნდა გავყიდო, რომელშიც ვცხოვრობ. სხვა არაფრის საშუალება მაქვს“, – განაცხადა თორნიკე მარჯანიშვილმა.
კომენტარები