ოპოზიციონერი პოლიტიკოსის, დავით ბაქრაძის, აზრით, თუ 11 იანვარს გამართულ სასამართლო სხდომაზე ხაზარაძე-ჯაფარიძე-წერეთელი დააკავეს, ეს ფაქტი იქნება დამაზიანებელი ეროვნული შერიგების პროცესისთვის და ქვეყნისთვის კი – დიდი კატასტროფა.
ბაქრაძის განმარტებით, ხელისუფლება მისთვის არასასურველი ხალხის კომერციულ აქტიოვობას მათი დაჭერის საბაბად იყენებს.
თუ 11 იანვარს იქნება მიღებული გადაწყვეტილება ხაზარაძე-ჯაფარიძე- წერეთლის დაკავების შესახებ, ეს იქნება კატასტროფული შედეგის მომტანი ეროვნული თანხმობის პროცესისთვის და მთლიანად ქვეყნისთვისაც.. ამ ადამიანების დაჭერა იქნება კატასტროფა, რადგან იქნება ახალი სიმაღლე პოლიტიკურ მართლმსაჯულებაში.
ხაზარაძე-ჯაფარიძე- წერეთელი არასოდეს ყოფილან ხელისუფლების წევრები, მათ ვერანაირად ვერ დააბრალებ თუნდაც ძალადობრივ დანაშაულს, ან საბიუჯეტო სახსრების გაფლანგვას, საუბარია კომერციულ აქტივობაზე, როცა ერთმა მეორეს თანხა ასესხა. ხელისუფლება ამას იყენებს საბაბად, რომ დაიჭიროს ის ხალხი, ვინც მას დღეს არ მოსწონს .
ეს სასამართლო პროცესი იქნება ტესტი ჩვენი ქვეყნისთვის: თუ ხელისუფლება წავიდა ამ დამაზიანებელ ნაბიჯზე, რითი უპასუხებს მას საზოგადოება, ან პრეზიდენტი ზურაბიშვილი – განუცხადა ,,ტვ პირველს “დავით ბაქრაძემ
ხაზარაძე-ჯაფარიძე-წერეთლის საქმე. გამოძიება ,,ლელოს” ლიდერებსა და ,,ტვ პირველის” დამფუძნებელს ფულის გათეთრებას ედავება. დასკვნითი სხდომა 11 იანვარსაა ჩანიშნული.
კომენტარები