ანალიტიკოსი გია ხუხაშვილი:
,,მესმის, რომ ბრძოლის ყიჟინის ფონზე საღი აზრი მხოლოდ “ტალახის სროლას” იმსახურებს, მაგრამ ვფიქრობ, სათქმელი მაინც უნდა ითქვას.
თბილისის მოსახლეობის უმრავლესობას ეჯავრება კალაძე, მაგრამ რაც არ უნდა მტკივნეული იყოს, არც თქვენ, 4 ოქტომბრის ორგანიზატორებს გაღიარებენ ლიდერებად, ვისაც ბოლომდე გაყვებოდა.
მათ აქვთ მარტივი ამოცანა – 5 ოქტომბერს აღარ იხილონ მათთვის საძულველი “გამარჯვებული” სახე ქალაქის მერად.
თქვენ პირდებით, რომ დაიწყებთ და დაამთავრებთ… და თუ ასე არ მოხდა?!…
მინდა იცოდეთ, რომ ამ შემთხვევაში, კალაძის მომღიმარ სახეზე პასუხისმგებლობის ტვირთი თქვენზეც გადმოვა და თქვენც მასსავით საძულველი გახდებით მორიგი იმედგაცრუებისთვის.
თბილისი მხოლოდ იმ შემთხვევაში მიმართავს აქტიურად თავის გაბრაზებას ხელისუფლების მისამართით, თუ თვითონ იქნება პროცესის აქტორი და არა ბრმად გაუყვება ბუნდოვან გზას. ანუ, ხალხი გამოიყენებს საკუთარ კონსტიტუციურ უფლებას, მისცემს ხმას კალაძის მოშორებას და ხელისუფალი მორიგ ჯერზე იძალადებს მის არჩევანზე.
ეს არა მხოლოდ ხალხს გააბრაზებს და ჩართავს აქტიურ პროტესტში, არამედ, გაგაერთიანებთ თქვენც, არჩევნებში მომაწილე და ბოიკოტში მყოფ პარტიებს პროტესტში.
მხოლოდ ასეთი ერთიანობის შემთხვევაში არის შესაძლებელი ლიდერთა ჯგუფის ფორმირება. შესაბამისად, შედეგის მიღება და არა მორალური პედესტალიდან ყველას ლანძღვა-გინებით, ვინც არ გეთანხმებათ იმ გეგმებში, რომლის ფინალზეც თვითონვე არა გაქვთ წარმოდგენა და თვალდახუჭული მიექანებით.“
კომენტარები