ხმაურია ამ წუთებში გაერთიანებული კომიტეტის სხდომაზე, რომელიც დაჩქარებული წესით საკანონმდებლო პაკეტს იხილავს.პაკეტი აზარტულ თამაშებთან დაკავშირებით კანონმდებლობის გამკაცრებას ითვალისწინებს.
გაფართოებულ სხდომას მედიამენეჯერები ესწრებიან. ისინი მიიჩნევენ, რომ ხელისუფლება კრიტიკული მედიის მოგუდვას ცდილობს.
ცოტა ხნის წინ ინციდენტი მოხდა “ტვ პირველის” დამფუძნებელსა და კომიტეტის თავმჯდომარეს, ანრი ოხანაშვილს შორის. მმართველი პარტიის ლიდერმა კრიტიკული მედიის მენეჯერს “უზრდელი” უწოდა და სხდომათა დარბაზი დაატოვებინა.
ანრი ოხანაშვილის გაღიზიანება ვატო წერეთლის კითხვამ გამოიწვია – “ბატონო ანრი, თქვენ თუ გითამაშიათ? ამ “კრისტალზე” ამ “აჭარაზე”? რომელი გირჩევნიათ – არ ერთი!”.
კითხვის საპასუხოდ იურიდიული კომიტეტის თავმჯდომარემ “ტვ პირველის” დამფუძნებელს უთხრა, რომ ის პარლამენტში იმყოფება და “ზრდილობას” უნდა მოუხმოს.
პრემიერის ინიციატივას დეპუტატები უკვე ხვალ სესიაზე პირველი მოსმენით განიხილავენ. კანონპროექტზე მსჯელობა გაერთანებული კომიტეტების სხდომაზე საათზე მეტია ხმაურის ფონზე მიმდინარეობს.
ტვ პირველი
კომენტარები