,, თქვენ გინდათ რომ ხელისუფლებამ „ანგარიში ჩაგაბაროთ“? არც დაგასლოკინოთ” – გია გაბრიჭიძე

ბოტანიკური ბაღის საზოგადოებასთან ურთიერთობის სამსახურის უფროსი, ჟურნალისტი გია გაბრიჭიძე:

,,ის რომ სამოქალაქო საზოგადოების ამ ე.წ. მშენებლებს საკმაოდ უცნაური აზროვნება რომ აქვთ არახალია.
ისინი რაღაცნაირად, უცნაური, ნორმალური ადამიანისთვის გაუგებარი პრიზმიდან უყურებენ ნებისმიერ მოვლენას, ნებისმიერ ამბავს. შემდეგ ცდილობენ, რომ მათი ეს ხედვა უცილობელ ჭეშმარიტებად შემოგვასაღონ და თუ ვინმე მათს „მოსაზრებას“ შეეწინააღმდეგა, ან საკუთარი აზრი გამოთქვა, მაშინვე რაღაც სულელური იარლიყების სროლას იწყებენ.
მაგალითად ჰააგის პროკურორის გადაწყვეტილებასთან დაკავშირებით ქალბატონი ანა ნაცვლიშვილი სრულიად არაადეკვატურ ხედვას „გვთავაზობს“.
„ჰააგის სასამართლოს გადაწყვეტილება ნამდვილად არის ისტორიული და მნიშვნელოვანი გამარჯვება საქართველოსთვის. ძალიან დასანანია, რომ ამ ისტორიულ მომენტშიც კი, საქართველოში ძიძგილაობა მიმდინარეობს, ხელისუფლება თავისთვის იჩემებს ამ გადაწყვეტილებას, ყველა ნორმალურ ქვეყანაში ეს დღე მნიშვნელოვანი აღნიშვნის დღე გახდებოდა, სადაც მოქმედი და ყოფილი ხელისუფლება, ოპოზიცია, მთავრობა, ხალხი, მედია, უფლებადამცველები, ყველა ერთად ვიზეიმებდით ამ ისტორიულ გადაწყვეტილებას, მაგრამ ჩვენ ასეთი ზეიმი არ გვინახავს”.
უკაცრავად, მაგრამ ვისთან ერთად უნდა ვიზეიმოთ ეს მართლაც მნიშვნელოვანი გადაწყვეტილება?
იმ ხალხთან ერთად, ვინც დაკარგულ ტერიტორიებს „ქვების გროვას“ უწოდებს? ვინც „ისკანდერების“ ნარჩენები დამალა? ვინც ყოვლად მოღალატეობრივ ხელშეკრულებას მოაწერა ხელი და იმ ხელშეკრულების შედეგებს დღესაც ვხედავთ? ვინც დევნილი მოსახლეობა გეტოებში გამოამწყვდია და ამაში კიდევ ფული იშოვა?
როგორ წარმოგიდგენიათ ქვეყნის გამარჯვების ზეიმი მოღალატეებთან ერთად, მტრის გენერლის მძღოლთან ერთად?
„არცერთი უწყება, არც იუსტიცია, არც საგარეო, არც პრემიერი თავს ვალდებულად არ თვლის, რომ ამ საკითხს მიუძღვნას ღია ეთერი. დადგეს და ყოველი ნაბიჯი, რას აკეთებდა ან არ აკეთებდა ხელისუფლება ჰააგაში წარმატებისთვის, საზოგადოებას ანგარიში ჩააბაროს. ეს არის პრობლემის მთავარი ინდიკაცია. ფაქტებით შემიძლია გითხრათ, რომ არანაირი კომუნიკაცია და თანამშრომლობა სამწუხაროდ, სახელმწიფო უწყებებს უფლებადამცველ სექტორთან არ ჰქონია“.
რომელ უფლებადამცველებთან? იმათთან ხომ არა, გრანტით გათვალისწინებული მოთხოვნის ფარგლებში წელიწადში ერთხელ უცხოელ სტუმრებთან ერთად ჩადიოდნენ საოკუპაციო ზოლთან და ფოტოებს იღებდნენ?
სახელმწიფო ამ დროს მუშაობდა. მათი ჩასვრილი საქმეების გამოსწორებაზე ზრუნავდა და შედეგიც დადგა.
და თქვენ გინდათ რომ ხელისუფლებამ „ანგარიში ჩაგაბაროთ“?
არც დაგასლოკინოთ”