ანალიტიკოსი ამირან სალუქვაძე ნანუკა ჟორჟოლიანის თხოვნას ეხმიანება, რომლითაც ჟურნალისტმა საქართველოს პრეზიდენტს მიმართა.
ერთი ცნობადი ნაციონალი დღეს ფეისბუკით მიმართავს პრეზიდენტს: “დაივიწყეთ, რომ ბიძინამ დაგნიშნათ მაგ პოსტზე, მხოლოდ თქვენ შეგიძლიათ მესამე პრეზიდენტის გადარჩენაო.”თხოვნაშიც კი შეურაცხყოფას აყენებენ. ვაშაძეს რომ გაემარჯვა, ხალხის არჩეული იქნებოდა, ვის გააბედინებდნენ სააკაშვილმა დანიშნაო. არც მელიაა სააკაშვილის დანიშნული თავმჯდომარედ და მერის არჩევნებშიც თავისით აიღო, რაც აიღო.თხოვნაც კი არ შეუძლიათ ისე, რომ თუნდაც მოჩვენებით არ გამოხატონ ზიზღი და სიძულვილი.ეს იმ პრეზიდენტს მიმართავს ასე, რომელმაც, სულ ახლახანს, ნაციონალების რამდენიმე კრიმინალი შეიწყალა და ახლა ეროვნულ შეთანხმებაზე შეხვედრებს აწარმოებს.მოჩვენებითაც კი არ შეუძლიათ პრეზიდენტად აღიარონ.რამდენად უნდა იყო აცდენილი საყოველთაოდ მიღებულ ეთიკურ ნორმებს, რომ ადამიანს ასეთი უხეში ფორმით რაიმე სთხოვო?! – წერს ამირან სალუქვაძე სოციალურ ქსელში.
ცნობისთვის, ჟურნალისტმა ნანუკა ჟორჟოლიანმა საქართველოს პრეზიდენტს მიხეილ სააკაშვილის შეწყალების თხოვნით მიმართა:
“სალომე ზურაბიშვილი ბერკეტი არ მაქვსო ამბობდით და მხოლოდ თქვენ შეგიძლიათ მესამე პრეზიდენტის გადარჩენა სინამდვილეში. (ნუ, ბიძინასგან გასნხვავებით) დაივიწყეთ რომ ბიძინამ დაგნიშნათ მაგ პოსტზე და გახდით ყველას პრეზიდენტი” – წერს ნანუკა ჟორჟოლიანი.
კომენტარები