აშშ-ში, კალიფორნიის შტატის სასამართლომ ბიოტექნოლოგიური სტარტაპის Theranos-ის დამფუძნებელი ელიზაბეტ ჰოლმსი თაღლითობაში დამნაშავედ ცნეს. ამის შესახებ Reuters-ი წერს.
გამოცემის ინფორმაციით, ნაფიცმა მსაჯულებმა ჰოლმსი ბრალდების 11 პუნქტიდან ოთხში ცნეს დამნაშავედ: ინვესტორების მოტყუების 3 ფაქტსა და გარიგების ფაქტზე. 37 წლის ჰოლმსს 80 წლამდე თავისუფლების აღკვეთა ემუქრება, თუმცა მოსამართლე მიიჩნევს, რომ რეალური განაჩენი გაცილებით მსუბუქი იქნება. ამ ეტაპზე უცნობია როდის გამოცხადდება საქმეზე განაჩენი.
ჰოლმსმა Theranos-ი 2003 წელს, 19 წლისამ დააარსა. მან პირობა დადო, რომ შექმნის მოწყობილობას, რომელიც ადამიანის სისხლის წვეთის გამოყენებით პაციენტს დიაგნოზს დაუსვამდა. ქალი ამტკიცებდა, რომ ტექნოლოგია თავად მოიგონა. მას უამრავი ინვესტორი ჰყავდა, რომელთა დახმარებით ჰოლმსი მსოფლიოში ყველაზე ახალგაზრდა ქალი-მილიარდერი გახდა.
2015 წელს The Wall Street Journal-მა გამოაქვეყნა გამოძიება, რომლითაც გაირკვა, რომ Theranos-ის მოწყობილობა ფიქციაა, კომპანია კი სისხლის ანალიზებს სხვა კომპანიების აპარატურაზე ატარებს. 2018 წელს Theranos-ი დაიხურა, 2021 წელს კი ჰოლმსს სასამართლოში უჩივლეს.
კომენტარები