თელავში, გმირთა მემორიალზე ვანდალური ფაქტი დაფიქსირდა. ამ დროისთვის დაუდგენელმა პირებმა გმირთა მემორიალი დააზიანეს.
“ვანდალიზმის ფაქტთან დაკავშირებით, მიმდინარეობს ჩამდენ პირთა იდენტიფიცირება, რის შემდეგაც გატარდება შესაბამისი ღონისძიებები”,- განაცხადეს თელავის მუნიციპალიტეტის მერიაში.
ცნობისათვის, თელავში, „დიდ სამამულო ომში“ დაღუპულ გმირთა მემორიალი ზუზუმბოს გორაზე მდებარეობს. იგი 1970-იან წლებში აიგო და მას დროშის ფორმა აქვს. აღსანიშნავია, რომ თელავში ვანდალური ფაქტები საკმაოდ გახშირდა. ბოლო პერიოდის განმავლობაში გაურკვეველმა პირებმა არაერთხელ დააზიანეს სხვადასხვა ლოკაციაზე განთავსებული ენერგოეფექტური სკამები, განათებები, სკვერებში არსებული ინფრასტრუქტურა და სხვა.
კომენტარები