“თბილისთანაც, ზუგდიდთანაც, ქუთაისთანაც, ყველგან ჩაბარებული აქვს ანზორ მელიას ასიანზე” – თაკო ჩარკვიანი

მე და ნიკას არ გვაქვს დაძაბული ურთიერთობა. ვერ გვექნება მარტივი მიზეზების გამო, პირდაპირ გეტყვით, უფრო ძალიან მიყვარს რამდენიმე ადამიანი, ვიდრე მამამისი,“- განაცხადა „სახალხო მოძრაობის“ ლიდერმა თაკო ჩარკვიანმა „ჯორჯიან თაიმსის“ ეთერში, გადაცემაში „დროული კითხვები.“

თაკო ჩარკვიანი ამბობს,რომ ანზორ მელიას მიმართ განსაკუთრებული დამოკიდებულება გააჩნია, რაც ნიკა მელიასთან ურთიერთობების დაძაბვას გამორიცხავს.
„ჩემი და ჩემი მეუღლის სისხლი და ხორცია ბატონი ანზორი, ძალიან მიყვარს. გუშინ ვუთხარი კიდევაც ნიკას, რომ მამაშენმა ყველა გამოცდა ჩააბარა თბილისთანაც, ზუგდიდთანაც, ქუთაისთანაც, ყველგან ჩაბარებული აქვს ანზორ მელიას ასიანზე, ხოლო თვითონ ნიკას ჯერ არ ჩაუბარებია,“- განაცხადა თაკო ჩარკვინმა და აღნიშნა, რომ პოლიტიკოსები მუდმივად იზრდებიან და ნიკა მელიაც აუცილებლად გაითვალისწინებს შეცდომას, რომელიც დაუშვა.

„პოლიტიკაში იზრდება ყველა, ჩემი ჩათვლით, ვიცი, რომ ნიკაც იგივეს გააკეთებს.
მე მას ვთხოვ, რომ გახდეს  ჩემი ქალაქის მერი, ამიტომ ასე არ უნდა მომექცეს მე კი არა, არ უნდა მოექცეს ასე პროცესს, რამდენიმე კილომეტრ გამოვლილ ადამიანებს, იქ ორმოცდაათი ადამიანი დგას, ასი თუ ხუთასი, მათ უნდა სცეს პატივი, თუნდაც 10 წუთით,“- განაცხადა თაკო ჩარკვიანმა.

ცნობისათვის, 10 ოქტომბერს „სახალხო მოძრაობამ“ თაკო ჩარკვიანის ლიდერობით, მიხეილ სააკაშვილის გათავისუფლების მოთხოვნით აქცია გამართა. აქციას არ შეუერთდა „ნაციონალური მოძრაობა“ და მისის ლიდერი ნიკა მელია.