თბილისში, მიხეილ მესხის სახელობის სტადიონზე უბედური შემთხვევა მოხდა. „იბერია 1999“-სა და პოლონურ „იაგელონიას“ შორის გამართული შეხვედრის დასრულების შემდეგ, სტუმართა სექტორის ტრიბუნიდან პოლონელი გულშემატკივარი გადმოვარდა და დაშავდა.
ინციდენტი იმ დროს მოხდა, როდესაც „იაგელონიას“ ფეხბურთელები გამარჯვების აღსანიშნავად საკუთარი გულშემატკივრების ტრიბუნასთან მივიდნენ. გადმოვარდნილ გულშემატკივარს დაზიანებები თავის არეში აღენიშნება. მას პირველადი სამედიცინო დახმარება ადგილზე გაეწია, რის შემდეგაც სასწრაფო დახმარების ბრიგადამ რეანომობილით კლინიკაში გადაიყვანა.
მომხდარი შემთხვევის გამო, გუნდების მთავარმა მწვრთნელებმა მატჩისშემდგომი პრესკონფერენციის ჩატარებაზე უარი განაცხადეს.
კომენტარები