დღეს ტრადიციული საშობაო ალილო პანდემიის გამო განსხვავებული ფორმატით ტარდება. ფეხით მსვლელობის ნაცვლად, სასულიერო პირები დღეს რესპუბლიკის მოედანზე შეიკრიბნენ და დედაქალაქის სხვადასხვა მიმართულებით ავტომობილებით მსვლელობას მოაწყობენ.
მანქანებით მსვლელობა სამების საკათედრო ტაძარში, 16:00 საათზე, ქრისტესშობის სამადლობელი პარაკლისით დასრულდება.
საშობაო ნობათის მიტანა მსურველებს რესპუბლიკის მოედანზე განთავსებულ სპეციალური კარავში 16:00 საათამდე შეეძლებათ.
შემოწირულობების მიტანა ასევე შესაძლებელი იქნება სამების ტაძრის ახალგაზრდულ ცენტრში.
შობის დღესასწაული მოსახლეობას საქართველოს პარლამენტის თავმჯდომარემ შალვა პაპუაშვილმა მიულოცა. პაპუაშვილი შობას, ასევე, ულოცავს ოკუპირებულ ტერიტორიაზე მყოფ მართლმადიდებლებსა და საზღვარგარეთ მყოფ საქართველოს ყველა მოქალაქეს.
“ვულოცავ შობას, ყველას ვინც 7 იანვარს აღნიშნავს შობის დღესასწაულს. ვუსურვებ, რომ იყოს ჯანმრთელი, ბედნიერი თავის ოჯახთან ერთად და ჰქონდეს ის სიხარული, რომელსაც ასეთი დღეები განიჭებს ჩვენ,”-შალვა პაპუაშვილი.
კომენტარები