თავს ვერ ვიპარსავ იმდენი შრამი მაქვს თავზე – გარდაცვლილი არასრულწლოვნის ძმა

14 წლის ნინის ძმა ძალადობაში დედას ადანაშაულებს და ბაბუის მხრიდან ძალადობას უარყოფს – თავს ვერ ვიპარსავ იმდენი შრამი მაქვს დედასგან მიყენებული – ამბობ გარდაცვლილის ძმა.

14 წლის არასრულწლოვანის დედა კი ამტკიცებს, რომ მისი შვილი სექსუალურის გარდა, ძალადობის მსხვერპლი იყო და ოჯახის წევრები ხშირად სცემდნენ:

ბაბუა ძალადობდა ჩემს შვილზე. ფიზიკურად, ხელითაც ეხებოდა ხოლმე. მითხრა, რომ ნასვამი შემოვიდა ჩემ ოთახში, მე მეძინა და თავზე დამახტა და ცემა დამიწყოვო…გაუპატიურების დღეს სცემა უმოწყალოდ” ამბობს მერი რომანაძე.

14 წლის ნინის ექსპერტიზის პასუხი მხოლოდ დღეს, 2 თვის დაგიანებით გახდა ცნობილი – მრავლობითი სისხლჩაქცევები და ფიზიკური ძალადობის უტყუარი კვალი – წერია დასკვნაში.

რაც შეეხება სექსუალური ძალდობას, პროკურატურამ არასრულწლოვანთან სექსუალური კავშირის დამყარების ბრალდებით ნიკა ტაკიძე დააკავა, მოგვიანებით კი ბრალი დაუმძიმა და მის წინააღმდეგ გამოძიება თვითმკვლელობამდე მიყვანის მუხლითაც დაიწყო.

ნიკა ტაკიძეს სექსუალურ შევიწროებაში კიდევ ერთი ახალგაზრდა ქალი ადანაშაულებს