ტაილანდში, ბანგკოკის ერთ-ერთი სასტუმროს ნომერში ციანიდით მოწამვლის შედეგად დაღუპული ექვსი ადამიანის ცხედარი, 16 ივლისს, გვიან ღამით აღმოაჩინეს. ამის შესახებ ინფორმაციას ტაილანდის ხელისუფლებაა ავრცელებს.
პოლიციისა და საავადმყოფოს ცნობით, სწრაფი მოქმედების, მომაკვდინებელი ქიმიური ნივთიერების კვალი Grand Hyatt Erawan-ის ოთახში აღმოაჩინეს, როგორც სასმელ ჭიქებსა და ჩაიდანზე, ასევე ცხედრების გაკვეთის დროს. პოლიციის ცნობით, სასმელში ციანიდი დაღუპულთაგან ერთ-ერთმა შეურია. ამჟამად, პოლიცია ცდილობს დაადგინოს როგორ მოიპოვეს მათ ციანიდი.
დაღუპული სამი ქალისა და სამი კაცის ნათესავების დაკითხვის შედეგად, დადგინდა, რომ მათ შორის ფინანსური დავა იყო.
გარდაცვლილებიდან ორი აშშ-ის მოქალაქეა, რის გამოც გამოძიებას აშშ-ის ფედერალური ბიურო (FBI) დაეხმარება. დანარჩენი ოთხი კი ვიეტნამის მოქალაქეები არიან.
კომენტარები