დაწინაურებულია კაცი, რომელიც მთელს ქვეყნას ფარულად უსმენდა. სკანდალური ჩანაწერების ავტორი, თემურ არეშიძე, შიდა ქართლის კონტრდაზვერვის შეფი გახდა.
პროკურატურის ინფორმაციით, სუსი-ს სკანდალური საქმის ყველა ფიგურანტი, მათ შორის, მაღალჩინოსნები, გამოკითხულები არიან, თუმცა, შოთაძის უწყების მტკიცებით, 7 თვიანი გამოძიების შემდეგაც ვერ იპოვნეს პირი, თუ ვინც საქართველოს მასშტაბით ყველას და ყველაფერს წლების განმავლობაში უსმენდა.
,,ტვ პირველის” ინფორმაციით, თეიმურაზ არეშიძეს მთლიანი კონფლიქტური რეგიონი ,,ქართულმა ოცნებამ” ფარული მოსმენების საქმის გახმაურების შემდეგ ჩააბარა. ერთ-ერთი ვერსიით, არეშიძეს დიდი თანამდებობა სწორედ გაჩუმების სანაცვლოდ დაუთმეს.
წყარო კონტრდაზვერვიდან ,,ტვ პირველს” უყვება, რომ თეიმურაზ არეშიძეს, რომელიც ბიძინა ივანიშვილის კადრია, თანამშრომლების ნაწილი უწყებაში პატივს არ სცემს და კონტრდაზვერვაში ახლა დიდი დაპირისპირებაა, რომელიც არეშიძის დანიშვნის შემდეგ დაიწყო.
წყარო კონტრდაზვერვიდან ,,ტვ პირველს” უყვება იმასაც, რომ ჟურნალისტებზე მოსმენები ახლაც მიმდინარეობს. ამის დადასტურებაა ფაქტი, რომ სანამ ,,ტვ პირველი” თბილისიდან – გორში არეშიძის უწყებაში მივიდა, იქ სამართალდამცველების დიდი მობილიზება დახვდა.
კომენტარები