გორში შვილის მკვლელობის მცდელობის ბრალდებით დაკავებული 82 წლის მამაკაცი მოსამსართლემ პატიმრობაში დატოვა. ბრალდებულმა სასამართლოში მოყვა, რომ შვილი მასზე ფიზიკურად სისტემატიურად ძალადობდა და თავის არეში არსებულ დაზიანებებზე მიანიშნა.
„ეს ორი კვირისაა. აი, ეს წელი რაც დაიწყო, ახალი წელი, სულ ამ ცემა-ტყეპაში ვიყავი. აი, ეს ძვლები სულ მტკივა. ჩემზე დახტებოდა ხოლმე“ – თქვა მამაკაცმა სასამართლო პროცესზე.
დაჭრილი 47 წლის მამაკაცი კი ამ დრომდე რეანიმაციულ განყოფილებაშია მოთავსებული და სიკვდილს ებრძვის.
ექიმების შეფასებით, დაჭრილის მდგომარეობა კრიტიკულად მძიმეა. შვილის მკვლელობის მცდელობის ბრალდებით, 82 წლის მამაკაცი ორი დღის წინ დააკავეს. არსებული ინფორმაციით, მოხუცმა ვაჟიშვილს სამზარეულოს დანით 30-ზე მეტი ჭრილობა მაშინ მიაყენა, როცა გიგიტა მეგრელიშვილს ეძინა.
ტვ პირველი
კომენტარები