მწერალი ნუგზარ სულა სულაშვილი სოციალურ ქსელში წერს:
„მე არ ვიცი ვინ როგორ ანაწილებს პრიორიტეტებს…
სულ ცალ ფეხზე მეკიდა კალაძის ფეხით სხვის, თუ საკუთარ კარში გატანილი გოლებიც და ფაჩულიას მიერ სხვის კალათაში ჩაყრილი ბურთების რაოდენობაც.
ჩემთვის პრიორიტეტები არიან ის ნიჭიერი ახალგაზრდები, რომლებიც არ ზოგავენ ენერგიას, მიიღონ შესაბამისი ცოდნა და განათლება ევროპის, თუ ამერიკის უმაღლეს სასწავლებლებში, რათა საკუთარი ქვეყნის აღმშენებლობისთვის დადონ თითო აგური.
სამწუხაროა. რომ ამ მხრივ, როგორც საზოგადოების, ასევე ხელისუფლების ინტერესი ინდეფერენტულია.
პრაქტიკულად არავინ არაფერი იცის იმის შესახებ, თუ რა წარმატებებს აღწევენ ჩვენი შვილები, (მომავალი თაობა) თანამედროვე მეცნიერებების სხვადასხვა სფეროში.
არ ხდება მათი წახალისება და ინიციატივა, წინა პლანზე წამოწიონ იმ ინტელექტუალური ბანკის შესაძლებლობები, რომელიც ჰაერივით სჭირდება ჩვენს ქვეყანას.
მაგალითისთვის ისიც კმარა, რომ დღემდე არავინ არ იცის, მსოფლიოს წამყვან სამეცნიერო დაწესებულებებში რა საოცრებებს ახდენენ ქართველი ახალგაზრდები, რომლებმაც ხვალ ჩემი ქვეყნის მომავალი უნდა შექმნან.“
კომენტარები