ყოფილი პარლამენტარი, დავით ზურაბიშვილი:
,,არიან ადამიანები, რომელთაც ძალიან უჭირთ აზრის გამოხატვა გინების და უცენზურო სიტყვა-თქმების გარეშე. თენგიზ კიტოვანი იყო, მაგალითად ასეთი. თუ არ შეიგინებოდა გემრიელად, ისე სულ რამდენიმე სიტყვა იყო მის ლექსიკონში: “მაგენი” , “მთლიანად”, “მუსირებს” “არგამოვა” “იმასვიძახი” და სხვა. ყველა არ მახსოვს, მაგრამ ძირითადად ესენი პლუს ნაცვალსახელები. ატრიალებდა ამ სიტყვებს სხვადასხვა კონტექსტში და სასტიკად წვალობდა.
ახლა, რაზე გამახსენდა ეს ამბავი: ყაველაშვილის გამოსვლას ვუსმინე ცოტა ხანი და არ შეიძლება ასე კაცის გატანჯვა. ამხელა თანანდებობაზე დასვით, ტიპი ქვეყნის მთავარსარდალია ნომინალურად და რატომ აწვალებთ? ხლართავს ამ სიტყვებს, ბორძიკობს და მაინც უჭირს წინადადების აწყობა… მიეცით შეგინების უფლება და ნახავთ როგორ გამოცოცხლდება.“
კომენტარები