ნორვეგიის სამეფოს ჯანდაცვის სამინისტროს უფროსი მრჩეველი ზაზა წერეთელი:
„როგორც კანადელმა მეცნიერებმა ონტარიოს ვატერლოოს უნივერსიტეტიდან განაცხადეს, მათმა დაკვირვებებმა აჩვენეს რომ კოვიდ ვირუსი ამცირებს სხეულის T- უჯრედების მარაგს, რის გამოც ახალგაზრდები და მოხუცები ერთნაირად დაუცველნი არიან მეორადი ინფექციების მიმართ.
T-უჯრედები არიან იმუნური სისტემის წინა ხაზის ჯარისკაცები და T- უჯრედების რაოდენობა ჩვეულებრივ იზრდება, როდესაც სხეული ებრძვის ინფექციას. როგორც დაკვირვებებმა აჩვენეს პიროვნებებს, რომლებიც ინფიცირებულნი არიან COVID-ით, აქვთ ბევრად ნაკლები T უჯრედები ”ეს ჩვენთვის პრობლემაა, რადგან T- უჯრედები ჩვენი იმუნური სისტემის მართლაც მნიშვნელოვანი ნაწილია, რომელიც გვეხმარება ინფექციისგან დაცვაში.”
სულ მცირე სამი კვლევა აჩვენებს, რომ COVID-19 ფაქტობრივად კლავს სხეულის T- უჯრედების მნიშვნელოვან რაოდენობას, ასე რომ, მაშინაც კი, როდესაც ადამიანი გამოჯანმრთელდება COVID-ისგან, მათ აქვთ სხვა ვირუსული, ბაქტერიული და სოკოვანი ინფექციების გაზრდილი რისკი. ”ეს იწვევს უამრავ ადამიანის მოხვედრას გადაუდებელი დახმარების განყოფილებებში სამედიცინო დახმარების მისაღებად და ეს მძიმე ტვერითად აწვება ჩვენს ჯანდაცვის სისტემას,” – განაცხადეს კანადელმა სპეციალისტებმა.
ცნობისათვის, ერთადერთი სხვა ვირუსი, რომელიც უტევს და კლავს T-უჯრედებს, არის აივ, რომელიც იწვევს შიდსს.
გასაგებად რომ ვთქვათ, არავინ არ აიგივებს COVID-ის ზემოქმედებას T-უჯრედებზე იმასთან, რაც აივ-მა გააკეთა იმუნურ სისტემაზე ეფექტური რეტროვირუსული მკურნალობის შემუშავებამდე. მაგრამ COVID-19 აღმოფხვრის T-უჯრედების მნიშვნელოვან რაოდენობას, რაც საკმარისია იმისთვის, რომ ავადმყოფთა დიდმა რაოდენობამ გადაიტანოს გადაუდებელი განყოფილებები RSV-ით (რესპირატორული სინციციალური ვირუსით), პნევმონიით, სტრეპტოკოკით და სხვა დაავადებებით.
კანადელების თქმით, COVID-19 იწვევს იმას, რასაც T-უჯრედებს შორის “დაპროგრამებული უჯრედების სიკვდილი” ჰქვია. ადამიანის ორგანიზმის უჯრედები ამას ბუნებრივად აკეთებენ ასაკთან ერთად, მაგრამ COVID-19 იწვევს ჯანსაღი T-უჯრედების სიკვდილს, რომლებიც სხვაგვარად ხელმისაწვდომი იქნებოდა ინფექციების წინააღმდეგ საბრძოლველად. ”ამ ყველაფრის შედეგი არის უფრო მეტი მეორადი ინფექციები, უფრო ექსტრემალური ინფექციები და ადამიანები, რომლებიც იღუპებიან ამ ინფექციების გამო”
ასე რომ საქართველოში გავრცელებული მოსაზრება რომ კოვიდი სუსტი, გრიპის მაგავრი ინფექციაა და აცრები არ არის საჭირო, შეიძლება გადაიტანო კოვიდი და იმუნიტეტი გქონდეს, არ არის მართებული მესიჯი. კოვიდის გადატანა მრავალ კვალს ტოვებს, რომლებიც ნელ-ნელა ჩნდება და უმჯობესია აიცრა, წესები დაიცვა და ეცადო არ გამოცადო შენი ბედი.“
კომენტარები