„აქ რომ იყოს ძლიერი ეკონომიკა, ბიზნესი, ქველმოქმედება, გრანტები, მაგ ნაკვეთზე ეგეთ რეჟისორს გაეცინებოდა და სახელმწიფოდან ჩუქებაზე არც იფიქრებდა“ – ანა დოლიძე

პარტია “ხალხისთვის” ლიდერი ანა დოლიძე სოციალურ ქსელში, მთავრობის მიერ, რეჟისორ რობერტ სტურუასთვის თბილისში 1 ლარად 1,500 კვ.მ. ფართობის მიწის ნაკვეთის გადაცემასთან დაკავშირებით სოციალურ ქსელში წერს:

„რობერტ სტურუას მიერ მიწის მიღებაში პრობლემა ფართო კონტექსტში. სტურუა, როგორც შემოქმედი, ძალიან დიდია (პოლიტიკური შეხედულებები და შემოქმედება უნდა გავყოთ). მას მიწაც ეკუთვნის, ვილაც, ლამბორჯინიც და იახტაც. უბედურება იმაშია, რომ ეს სიმდიდრე ასეთ ქვეყანაში მისნაირ რეჟისორს არ ექნება. ანდა აწყობს ხელისუფლებას რომ ჰქონდეს? აქ რომ იყოს და უნდა იყოს, ძლიერი ეკონომიკა, ბიზნესი, ქველმოქმედება, მაგ ნაკვეთზე ეგეთ რეჟისორს გაეცინებოდა. და სახელმწიფოდან ჩუქებაზე არც იფიქრებდა. ექნებოდა ეს ყველაფერი ისედაც. ჰოდა, ეგ დიდი საკითხია აქ პრობლემა. ეს მუქთახორები არ ააშენებენ ეგეთ ქვეყანას იმიტომ რომ ყველა, რეჟისორი თუ ექიმი თუ მწერალი, უნდა ამათხოვრონ. ჰოდა, ჩვენ ავაშენოთ“ – წერს დოლიძე.