ჯანდაცვის მინისტრის ეკატერინე ტიკარაძის განცხადებით, ექიმების, სამართალდამცველებისა და ჯარისკაცების აგრესიული ტესტირების შედეგად გამოიკვეთა, რომ შინაგან საქმეთა სამინისტროს რამდენიმე თანამშრომელი კორონავირუსითაა დაინფიცირეული, კოვიდინფექციის არსებობა დაუდასტურდა 20-მდე ექიმსაც.
„დავიწყებ იმ ჯგუფიდან, სადაც კორონავირუსი არ დაფიქსირებულა და ეს გახლავთ ჯარი. შინაგან საქმეთა სამინისტროს რამდენიმე თანამშრომელია, ვისაც დაუფიქსირდა, თუმცა აქ საგანგაშო არაფერია და არიან ექიმები, ვისაც ასევე, დაუფიქსირდათ მათი რიცხვი არის დღესდღეობით 20-მდე. ეს გარკვეულწილად იყო მოსალოდნელიც, სწორედ აქედან გამომდინარე იყო დაგეგმილი ეს გაიდლაინი და ეს ალგორითმი, რომლის მიხედვითაც ხდება ამ ჯგუფების ტესტირება. ზოგადად სიტუაცია ამ ჯგუფებში არის კონტროლირებადი. ჩვენ დამატებით კიდევ ვმუშაობთ უსაფრთხოების ზომებისა და ნორმების დანერგვაზე და ასევე, მიმდინარეობს, გარკვეულწლად, ტრენინგები ამ ჯგუფში, რათა ისინი სამომავლოდ იყვნენ უფრო მეტად დაცულები.
აქ აღსანიშნავია ის ფაქტი, რომ მათ ძირითადად აქვთ გადატანილი უსიმპტომოდ ეს დაავადება, რაც ასევე ყურადსაღები და ჩვენთვის სამომავლოდ გასათვალისწინებელია, თუმცა პრევენციიდან გამომდინარე, ყველა ის ექიმი, რომელიც იყო აღმოჩენილი, დღესდღეობით იმყოფება მონიტორნიგის ქვეშ, რათა ჩვენ ზუსტად ვიცოდეთ, რომ მათი მხრიდან უკვე შემდგომი ადამიანების დაინფიცირების რისკი არ არსებობს”
“ალია” რაც მეტ ადამიანს ჩაუტარებენ სწრაფ ტესტს, მით მეტ ადამიანზე გავიგებთ, რომ უკვე გადაიტანა ვირუსი და აქვს იმუნიტეტი.
როგორც “ალიასთვის” გახდა ცნობილი, კომპანია, რომელიც ატარებს სწრაფ ტესტირებას, ყველა ინფორმაციას, მათ შორის, ინფორმაციას იმის შესახებ, რამდენ ადამიანს აქვს უკვე გადატანილი დაავადება – ჯანდაცვის სამინისტროს აწოდებს.
მიუხედავად ამისა, ჯანდაცვის სამინისტრო არ აქვეყნებს სტატისტიკას, რამდენი სწრაფი ტესტია ჩატარებული და აქედან რამდენს აღმოაჩნდა, რომ უკვე გადატანილი აქვს ვირუსი უსიმპტომოდ, ან სუსტი სიმპტომატიკით!
კომენტარები