“სტალინი, ბრეჟნევი და ხრუშჩოვიც ასე ამბობდნენ”

საქართველოს ექსპრეზიდენტი, გიორგი მარგველაშვილი, ტვ პირველის ეთერში საუბრობს:

“აქ პრინციპული და ყველაზე მნიშვნელოვანი არის ის, რომ თაღლითური სქემა არის გახსნილი, გაშიფრული, ჩაშლილი. ან მოხდება აღიარებითი ჩვენება და ამ ადამიანების გამოშვება, ან ეს უაზრო პროცესი გაღრმავდება, რომელიც დაიწყო იმით, რომ პარტია ქართული ოცნების ლიდერმა თქვა, ხელი ხომ არსად მომიწერია იმ განცხადებაზე, რომ 2020-ის არჩევნები პროპორციული წესით ჩატარდებაო, სად არის ნოტარიულად დამოწმებული საბუთიო. და გაგრძელდა იმით, რომ 8 მარტის ხელშეკრულებაში ხომ არსად წერია პოლიტპატიმრებიო. ეს რაღაცნაირი ქვეყნისთვის სამარცხვინო, შეურაცხმყოფელი, ქართველებზე ძალიან ცუდი იმიჯის შემქმნელი ტყუილია. მთელი ეს თაღლითური სქემა არის გახსნილი და ამაზე უკვე მერამდენედ საუბრობენ ჩვენი პარტნიორები.

პოლიტიკური პატიმრის სტატუსი არის საერთაშორისო შეთანხმების სტატუსი, რომელიც მიეცემა ვიღაცას, მიეწერება. და ეს მიწერა ხდება იმ ქვეყნების მიერ, ვისაც ამის უფლება გააჩნია. საბჭოთა კავშირის დროს ამბობდნენ, რომ საბჭოთა კავშირში იყვნენ პოლიტპატიმრები. სტალინი, ბრეჟნევი ან ხრუშჩოვი გამოდიოდა და ამბობდა, რომ პოლიტპატიმრები მყავსო? მაგრამ სიმართლე მდგომარეობს შემდეგში, რომ პოლიტპატიმრები არიან, მეტიც, შედგა შეთანხმება, რომ ისინი უნდა ყოფილიყვნენ გამოშვებულები, სასამართლო სისტემა პოლიტიკური დევნისთვის არ გამოეყენებინათ, გამოესწორებინათ საარჩევნო სისტემა და ჩაეტარებინათ სამართლიანი არჩევნები.”