სომხეთში საღმოსავანქის მონასტრის წინამძღვარი, პარენ არაქელიანი დააკავეს, არაგაწოტნის ეპარქიის წინამძღვრის, ეპისკოპოს მკრტიჩ პროშიანის სახლში კი ჩხრეკა ჩატარდა.
ამის შესახებ სომხური მედია ავრცელებს ინფორმაციას.
გავრცელებული ცნობით, პარენ არაქელიანი მძიმე დანაშაულების გამოძიების დეპარტამენტში გადაიყვანეს.
არაგაწოტნის ეპარქიის წინამძღვარი კათოლიკოსის დის შვილია. მანამდე, სასულიერო პირმა, არამ ასატრიანმა განაცხადა, რომ 2021 წელს ოპოზიციის მიერ ორგანიზებულ ყველა აქციაში ზეწოლის ქვეშ მონაწილეობდა და არაგაწოტნის ეპარქიის წინამძღვარი დევნაში დაადანაშაულა.
ამის შემდეგ, არაგაწოტნის ეპარქიამ განცხადება გაავრცელა, რომელშიც აღნიშნულია, რომ ინტერვიუს მიზანი იყო მღვდლის გამოყენება ანტიკლერიკალური კამპანიის მხარდასაჭერად, წმინდა სომხური სამოციქულო ეკლესიის დისკრედიტაცია და ეს ყველაფერი ხელისუფლების მიერ იყო ინიცირებული.
კომენტარები