სომხეთის სახელმწიფო უსაფრთხოების სამსახური აცხადებს, რომ პრემიერმინისტრი ნიკოლ ფაშინიანის მკვლელობის მცდელობა აღკვეთეს. პოლიციამ საქმეში ეჭვმიტანილი, სახელმწიფო უსაფრთხოების სამსახურის ყოფილი უფროსი, არტურ ვანეციანი დააკავეს.
როგორც სომხური მედია წერს, ვანეციანს ბრალს სდებენ ხელისუფლების დამხობასა და იარაღის უკანონო მოპოვებაში. სახელმწიფო უსაფრთხოების სამსახურის სამსახურში აცხადებენ, რომ ხელისუფლების დამხობაში ეჭვმიტანილები არ ეთანხმებოდნენ ქვეყნის შიდა პოლიტიკას, ხოლო პრემიერის მოკვლით ხელისუფლების ხელში ჩაგდებას აპირებდნენ.
9 ნოემბერს გვიან ღამით სომხეთსა და აზერბაიჯანს შორის მიღწეული შეთანხმების თანახმად, ყარაბაღის გარშემო მდებარე რაიონები უხლოეს მომავალში აზერბაიჯანს გადაეცემა.
მთიან ყარაბაღში ომის დასრულების შესახებ შეთანხმება სომხეთშიკაპიტულაციად აღიქვეს, რასაც მოსახლეობის პროტესტი მოჰყვა. დემონსტრანტები მთავრობის სახლში და პარლამენტში შეიჭრნენ. გარდა ამისა, ზოგიერთი პარლამენტის სპიკერს დაესხა თავს და ფიზიკურად გაუსწორდა. მას ოპერაცია ჩაუტარდა. ერევნისგან განსხვავებით, ბაქოში შეთანხმებას სიხარულით შეხვდნენ.
სამმხრივ დოკუმენტს ხელი სომხეთის პრემიერმინისტრმა, ნიკოლ ფაშინიანმა, აზერბაიჯანის პრეზიდენტმა, ილჰამ ალიავმა და რუსეთის პრეზიდენტმა ვლადიმერ პუტინმა მოაწერეს ხელი. შეთანხმების თანახმად, სომხური მხარე აზერბაიჯანს კონფლიქტის ზონაში რამდენიმე ტერიტორიას გადასცემს, მთიან ყარაბაღში ბრუნდებიან დევნილები, კონფლიქტის ხაზის გასწვრივ კი რუსი სამშვიდობოები განლაგდებიან. რა სტატუსი ექნება მთიანი ყარაბაღის რეგიონს, შეთანხმებაში არ წერია.
ილჰამ ალიევი ამბობს, რომ რუსი სამხედროების გარდა ზონაში თურქი მშვიდობისმყოფელებიც იქნებიან. მან შეთანხმებას ისტორიული უწოდა და აღნიშნა, რომ ეს სომხეთის კაპიტულაციას ნიშნავს.
ფაშინიანი კი აღნიშნავს, რომ შეთანხმების ხელმოწერის გარდა, სხვა გზა არ ჰქონდა. როგორც ის განმარტავს, გადაწყვეტილება ანალიზის შედეგად მიიღეს. მთიან ყარაბაღში სამხედრო დაპირისპირება 27 სექტემბერს განახლდა.
კომენტარები