ლაჩინის დერეფნის ახალი გზა, რომელიც სომხეთს მთიან ყარაბაღთან დააკავშირებს, 30 აგვისტოს საღამოდან ამოქმედდა. ამის შესახებ „ეხო კავკაზა“ იუწყება.
ახალი მარშრუტი დროებითია, მომავალი წლის გაზაფხულიდან ძირითადი გზის მშენებლობა დასრულდება, რომელიც სოფელ კორდიძორით გაივლის და სომხეთის სიუნიკის ოლქს მთიან ყარაბაღთან დააკავშირებს. ის ლაჩინის დერეფანს შეცვლის.
„ყარაბაღის მეორე ომის“ დასრულების შემდეგ ხელმოწერილ სამმხრივ განცხადებაში აღნიშნულია, რომ ლაჩინის დერეფანი 3 წლის განმავლობაში რუსეთის სამშვიდობო ძალების კონტროლის ქვეშ დარჩება. სამი წლის შემდეგ კი ახალი მარშრუტი უნდა ამოქმედდეს, სადაც გზის დასაცავად ასევე რუსეთის სამშვიდობო ძალები განთავსდებიან.
კომენტარები