სკვერში, გარდაცვლილი ქალი იპოვეს – სად მოხდა შემთხვევა?

ლონდონის დასავლეთით, დაბა ილინგში, 37 წლის ქალი გულის შეტევით გარდაიცვალა მას შემდეგ, რაც ის უცნობმა მამაკაცმა გააუპატიურა. ნატალი შოთერი, Southall Park-ში, სკამზე მწოლიარე, გარდაცვლილი იპოვეს.

Sky News-ის ინფორმაციით, ქალის გაუპატიურებასა და მკვლელობაში 35 წლის მოჰამედ იიდოვს ადანაშაულებენ. მან ორივე ბრალდება უარყო. სათვალთვალო კამერით დაფიქსირებულ კადრებში ჩანს, რომ თავდასხმის დროს მსხვერპლი სავარაუდოდ “უგონო მდგომარეობაში” იყო.

Southall Park-ში, ნატალი შოთერის ცხედარი გამვლელმა შემთხვევით დაინახა. პოლიციის ინფორმაციით, საქმესთან დაკავშირებით სასამართლო პროცესი გაგრძელდება.