“ნაციონალური მოძრაობის” თავმჯდომარე სკეპტიკურად უყურებს შესაძლებლობას, რომლის მიხედვითაც, შესაძლოა, საქართველოს მესამე პრეზიდენტი, მიხეილ სააკაშვილი მოქმედმა შეიწყალოს.
როგორც “ტვ პირველს” ნიკა მელიამ განუცხადა, სალომე ზურაბიშვილს უნდა ესმოდეს, რომ სააკაშვილის პატიმრობიდან გათავისუფლება ქვეყნის ღირსების საქმეა.
ზრუნვა სჭირდება არა მიხეილ სააკაშვილს, როგორც უკანონო პატიმრიბაში მყოფ პოლიტიკოსს, არამედ პირველ რიგში ზრუნვა სჭირდება, ქვეყნის მესამე პრეზიდენტის გათავისუფლებას იმ თვალსაზრისით, რომ ამ სახელმწიფოს ღირსება შეუნარჩუნდეს . ამ ქვეყნის მომავალზე ზრუნვაა პრიორიტეტული. როგორც ჩანს, ეს ბატონ მარგველაშვილს ძალიან კარგად ესმის და ამაში მე დარწმუნებული ვიყავი. მიხეილ სააკაშვილს შესაწყალებელი არაფერი სჭირს. ქალბატონ სალომე ზურაბიშვილს შეუძლია გააკეთოს ის, რაც მას ნორმალურ ვითარებაში აქამდეც უნდა გაეკეთებინა. სკეპტიკურად ვარ განწყობილი, რომ ქალბატონი პრეზიდენტი ამ ნაბიჯს გადადგამს. ყველას უნდა გვესმოდეს, რომ მიხეილ სააკაშვილის პატიმრიბა უბრალოდ, დიდხანს ვერ გაგრძელდება”- განაცხადა მელიამ.
კომენტარები