კანონი პარლამენტმა დაჩქარებული წესით ჯერ კიდევ იანვარში მიიღო. მაშინ ხმამაღლა ამის შესახებ არავის უთქვამს, მაგრამ დაჩქარებული წესით მიღებულ კანონში გარკვევით წერია, რომ ვაქცინის შემოტანის შემდეგ, ნებისმიერი უკუჩვენება, რომელიც ვაქცინას აღმოაჩნდება და რომელმაც შესაძლოა, ლეტალური შედეგი გამოიწვიოს, მწარმოებელს ათავისუფლებს პასუხისმგებლობისგან, ანუ მწარმოებელი პასუხისმგებელი არ არის ვაქცინის უკუჩვენებაზე. ეს თუნდაც იმას ნიშნავს, რომ გარდაცვლილი 27 წლის ექთნის ოჯახი „ასტრა ზენეკას“ მწარმოებელს ვერაფერს მოჰკითხავს და პრეტენზია სახელმწიფოსთან უნდა ჰქონდეს, მაგრამ არც აქედან გამოვა რამე – ჯერჯერობით ვაქცინაცია ნებაყოფლობითია და არავინ ამბობს, მისი გაკეთება მაიძულესო.
და ერთიც – გასულ კვირას მსოფლიოს მთავარ გამოწვევად კოვიდ-19 კი არა, გლობალური დათბობა დაასახელეს და ისიც ითქვა, 2 წელიწადში სოფლის მეურნეობის პროდუქტების წარმოება სწორედ გვალვების გამო, 40%-ით დაიკლებს და მსოფლიო შიმშილის რეალური საფრთხის წინაშე დადგებაო. ჩვენთან გლობალურ დათბობაზე ჯერ ვერ ვფიქრობთ, რადგან… მსოფლიოს უპირველესი გამოწვევა ყველაზე ნაკლებად ვგონებთ საქართველოში ადარდებთ.
ანი დვალიშვილი, ალია
კომენტარები