ჯანდაცვის სამინისტრო ახალ სკანდალში ეხვევა. “ტვ პირველის” ინფორმაციით, ილია ღუდუშაურის წინააღმდეგ შესაძლოა, გამოძიება დაიწყოს. განათლების სამინისტროდან ჯანდაცვის უწყებაში საგანგებოდ მივლენილი მაღალჩინოსანი სავარაუდო კორუფციულ გარიგებაშია დადანაშაულებული.
საქმე ეხება მისი განათლების სამინისტროს ერთ-ერთ სიპ-ში მუშაობის პერიოდს და იქ გამოცხადებულ სასკოლო მერხების ტენდერს.
ღუდუშაურის ხელმოწერილი დოკუმენტით დგინდება, რომ სკოლის მოსწავლეების მერხებზე გამოცხადებულ ტენდერს კერძო კომპანია ხელოვნურად ჩამოაშორეს და შესყიდვა თავდაცვის სამინიტროს კომპანია “დელტასგან” გააკეთეს, რომელსაც მერხების წარმოების გამოცდილება არასდროს ჰქონია და ეს შესყიდვაც ქვეყნის ბიუჯეტს ორჯერ მეტი დაუჯდება.
კომენტარები