საქართველოს ყოფილი პრეზიდენტის, მიხეილ სააკაშვილის დედამ, გიული ალასანიამ “ფორმულას” ეთერში მიხეილ სააკაშვილის მიერ საზღვრის უკანონო კვეთის საქმეზე გამართულ სასამართლო პროცესზე ისაუბრა. ალასანიას თქმით, სააკაშვილის ხელისუფლებაში მოსვლის შემდეგ საქართველოს გაერთიანება მოხდა და რაც დღეს ყოფილ პრეზიდენტთან მიმართებაში ხდება დიდი უსამართლობაა.
მე ჩემი შვილის ყველა სიტყვით გამოსვლას ვესწრებოდი, გაკეთდა შენიშვნები იმასთან დაკავშირებით, რომ საით უნდა გაეხედა. საქმე იმაშია, რომ ჩემი შვილისთვის ეს არის ტრიბუნა და ძალიან მნიშვნელოვანია სწორედ ქართველ ხალხთან ლაპარაკი და ეს ხერხდება ამ პროცესების დროს. ამ ყველაფრის გადატანა ჩემთვის ძალიან რთულია, სულ სიზმარში მგონია იცით თავი. ვერაფრით ვერ ვეგუები და ვერ წარმომიდგენია, რომ ეს ყველაფერი ჩემს შვილთან დაკავშირებით ხდება. ძალიან დიდ უსამართლობად მიმაჩნია. მისი გამოსვლიდან არ ვიცოდი და გავიგე მისი საზღვარზე გადმოსვლის დეტალები. ელგუჯა ცომაიას გამოსვლაც მოვისმინე, ის ძალიან ღირსეული ადამიანია. თქვა, რომ მისთვის დიდი პატივი იყო მის სახლში სააკაშვილის სტუმრობა. გულისამაჩუყებელი იყო, ისე თქვა ეს ყველაფერი. ჩემი შვილის მმართველობაში მოსვლამდე საქართველოს საერთოდ საზღვრები არ ჰქონდა. მის მიერ შეიქმნა ეს ყველაფერი.შლანგბაუმი გვაშორებდა აჭარას, შემდეგ მოირღვა და საქართველოს გაერთიანება მოხდა – განაცხადა ალასანიამ.
კომენტარები