რუსთავის N12 პენიტენციურ დაწესებულებასთან, სადაც მიხეილ სააკაშვილი გადაიყვანეს, საქართველოს მესამე პრეზიდენტის მხარდამჭერები იკრიბებიან. ადგილზე მივიდა “ერთიანი ნაციონალური მოძრაობის” წევრი, გიორგი ჩალაძე.
მან ოპოზიციის ლიდერებს მოქმედებისკენ მოუწოდა: “მოეშვით ეთერ-ეთერ სიარულს და ბჭერმეტყველებას, მოდით აქ” – მიმართა ხელისუფლების ოპონენტებს ოპოზიციონერმა.
ამასთან გიორგი ჩალაძემ “ტვ პირველთან” თქვა, რომ საქართველოს მესამე პრეზიდენტი “ბორკილებდადებული გამოათრიეს”, თუმცა ამ საკითზე მეტი კონკრეტიკისგან თავი შეიკავა. თქვა, რომ არ ისაუბრებს, სანამ ინფორმაციას სახალხო დამცველის აპარატი ან ადბოკატები არ დაადასტურებენ:
მინდა, მივმართო მათ, ვინც ახლა დგანან და ერთმანეთთან პოლიტიკური ქიშპობით არიან დაკავებულნი და დასცინიან ერთმანეთს.
ხალხო, რაზე ვსაუბრობთ?რა პოლიტიკური და პარტიული სხვაობები და რაღაც ყრილობებზე ხმების მიცემა?! ჩვენი ქვეყნის ისტორიას წერენ როგორც ბელარუსიის საწყისებს. მართლა რად გიღირთ “არჩევნებით” მოპოვებული სკამები. რაღაც სულელურ პოლიტიკურ წიაღსვლებში შესვლა.
ახლა პარტიის სახელით არ ვსაუბრობ, ეს არის ჩემი პირადი აზრი, რასაც ყველას გასაგონად ვაფიქსირებ – სირცხვილია, როცა შენი ლიდერის სახელით მოპოვებული მანდატით თბილ სკამზე სხედხართ, როცა ერის სიმბოლო ხელბორკილდადებული გამოათრიეს. თქვენი შვილები ისწავლიან როგორ ექცეოდა რუსეთი საქართველოს პრეზიდენტს და ვენ ამ დროს, ეთერ-ეთერ დავიარებით და ქილიკობით ვართ დაკავებული, რომ ვიღაცას მოსწონს ში,შილობა და ვიღაცას არა. ბოდიში, მაგრამ ფეხზე მკიდია, ყველას კომენტარები, როცა ჩვენი ქვეყნის ისტორიას ფეხქვეშ თელავენ” – აცხადებს ჩალაძე.
კომენტარები