„სიკვდილი პუტინს“, „თავისუფლება“, „დემოკრატია“ – რას ნიშნავს მსოფლიო ლიდერების ტვიტები, რომლებმაც მომხმარებლები დააბნია

ზელენსკის ტვიტში ვკითხულობთ: „თავისუფლება“. ხოლო დანილოვის ტვიტში „სიკვდილი პუტინს“.

სინამდვილეში კი საქმე ეხება ახალ ტენდენციას, სადაც ყველა საკუთარ სურვილს ერთი სიტყვით აღწერს.

„საიდუმლო ვლინდება. იდუმალი ტვიტები არის ახალი ტენდენცია, სადაც ყველა საკუთარ თავს აღწერს ერთი სიტყვით. ყველაფერი დაიწყო რკინიგზის კომპანიის Amtrak-ის ტვიტით, როდესაც სიტყვა „მატარებლები“ ​​კომპანიის ექაუნთზე კონტექსტის გარეშე გამოჩნდა. ტენდენციას შეუერთდნენ მაკდონალდსი, კოკა-კოლა, ჯო ბაიდენი და უკრაინის ოფიციალური პირები“, – წერს უკრაინული მედია.

კამპანიას შეერთებული შტატების ლიდერი ჯო ბაიდენიც შეუერთდა და მან დატვიტა სიტყვა „დემოკრატია“.

გერმანიის კანცლერმა ოლაფ შოლცმა კი უპირატესობა სიტყვა „პატივისცემას“ მიანიჭა.

ბრიტანეთის პრემიერ-მინისტრმა ბორის ჯონსონმა კი „უკრაინა“ დატვიტა.

ფლეშმობში ცნობილ ადამიანებთან ერთად ტვიტერის ათასობით მომხმარებელი ჩაერთო და ბოლო რამდენიმე საათია ტვიტერის მთავარი ტრენდია.