სიკვდილი ძილში – თბილისში დები სინთეტიკური ნარკოტიკით გარდაიცვალნენ

თბილისში, დაბინძურებული სინთეტიკური ნარკოტიკით ორი ახალგაზრდა ქალი გარდაიცვალა, ერთი კაცის მდგომარეობა კი ამ დრომდე მძიმეა. შაბათის ფორმულას ინფორმაციით, გარდაცვლილები დები არიან.

დაბინძურებული, სიცოცხლისთვის საშიში ნარკოტიკს ყველგან იყიდი. საქართევლოში სრულად თავისუფლად ყიდის სხვადასხვა ნარკოტიკს რუსული ონლაინ შავი ბაზარი, არსებობს სხვა მრავალი არალეგალური გზაც. ბოლო კვლევების მიხედვით, საქართველოში კიდევ ერთხელ შემოვიდა – სიცოცხლისთვის განსაკუთრებულად საშიში ნარკოტიკული საშუალება.

ტელეკომპანიას “ფორმულა” ოჯახის თხოვნით, გარდაცვლილების ვინაობას არ ახმაურებს, თუმცა ოფიციალურად უკვე ცნობილია და ექსპერტიზამაც დასკვნა, რომ ახალგაზრდა დები ე.წ. სასიკვდილო ნარკოტიკით ფენტალინით დაიღუპნენ. ნარკოტიკი მათმა 35 წლის მეგობარმა შეიძინა. ფენტალინი სუნთქვის გაჩერებას და შედეგ სიკვდილს იწვევს. მეგობარმა კაცმა დების გარდაცვალების შემზარავი ამბავი რამდენიმე დღის წინ, კომიდან გამოსვლის შემდეგ შეიტყო.

სიკვდილი ძილში – ასე ახასიათებენ ფენტანილით გარდაცვალებას. ნარკოტიკი საქართველოს ბაზარზე 2018 წლიდან გამოჩნდა. “შაბათის ფორმულას” ინფორმაციით, სწორედ ეს სასიკვდილო ნივთიერება აღმოჩნდა კიდევ ორი ორი მეგობრის ნარკოტიკში, რომლებმაც MDMA საიტიდან შეიძინეს. კლუბში გასართობად წასულებმა, გონება რიგ-რიგობით დაკარგეს და რამდენიმე საათის განმავლობაში სიცოცხლისთვის ბრძოლა მოუწიათ.

მას შემდეგ რაც ერთი მეგობარი საავადმყოფოდან გამოიყვანეს, სახლში მარტო დარჩენილი ახალგაზრდა ქალი ცუდად გახდა.

სახელმწიფოს რეპრესიული ნარკოპოლიტიკის გამო ყოველწლიურად უამრავი ადამიანის სიცოცხლე ეწირება კუსტარულად უკანონო ლაბორატორიებში, სარდაფებში დამზადებულ მკვლელ ნარკოტიკს. ნარკოტიკული საშუალებებს გაბევრების გამო ფენტანილს ამატებენ, რომლის შერევის დროსაც გადამწყვეტია დოზირება და ნივთიერების თანაბრად გადანაწილება.

ზედოზირების დროს გადარჩენისთვის აუცილებელი მედიკამენტი – ნარკანი, რომელიც საქართველოში ნარკომომხმარებლებისთვის მარტივად ხელმისაწვდომი არ არის. გაიცემა მხოლოდ რეცეპტით, თბილისის მასშტაბით მხოლოდ ერთ აფთიაქში. ნარკოლოგისთვის გაუგებარია, რატომაა რეცეპტის გამოწერის აუცილებლობა მაშინ, როდესაც ნარკოტიკით ინტოქსიკაციის წინასწარ განსაზღვრა შეუძლებელია.

იმის გამო რომ სახელმწფო პრევენციული მექანიზმები არ აქვს ნარკომომხმარებლებმა თავად უნდა შეძლონ მომაკვდინებელი ნივთიერებებისგან თავის დაცვა. ამისთვის არსებობს ტესტები, რომლის საშუალებითაც ვგებულობთ ნარკოტიკის ჯგუფს და მისი ზემოქმედების ტიპს. ფენტანილის გარდა, ტესტი კეთდება სხვა სიცოცხლისთვის საშიშ ნივთიერებებზეც. სინჯარაში მჟავისა და ნარკოტიკული საშუალების ჩამონათალის რეაქციაში შესვლის შემდეგ სითხე ფერს იცვლის. ტესტებს გასცემს კომპანია მანდალა, თუმცა ქვეყანაში არსებული ნარკოპოლიტიკის გამო სრულფასოვან ფუნქციონირებას მაინც ვერ ახერხებენ.

სახელმწიფოს ზედოზირებით გარდაცვლილი ადამიანების სტატისტიკა არ აქვს. იმის გამო, რომ ნარკოტიკი ლეგალიზებული არ არის, არც მისი ხარისხის მონიტორინგი არ ხდება. ნარკოპოლიტიკის ექსპერტის თქმით, ზედოზირების შედეგად ადამიანის გადარჩენა მარტივია, თუმცა ხელისუფლებას ამის ნება არ აქვს.