„ქართული ოცნება-დემოკრატიული საქართველოს“ სიღნაღის მუნიციპალიტეტის მერობის კანდიდატი მუნიციპალიტეტში მცხოვრებ ახალგაზრდებს შეხვდა. შეხვედრას საქართველოს პარლამენტის წევრი შალვა პაპუაშვილი, 2012 წლის მოწვევის პარლამენტის წევრი გელა გელაშვილი და პარტიის წარმომადგენლები ესწრებოდნენ.
„სასიხარულოა ის ფაქტი, რომ დღეს ამ რაოდენობის ახალგაზრდა ერთად შეიკრიბეთ. სწორედ თქვენ ხართ ჩვენი სამომავლო საქმიანობის დასაყრდენი და მამოძრავაბელი ძალა.
მინდა გითხრათ, რომ როდესაც ქვეყანას უჭირდა, ქართველები ერთ მუშტად იკვრებოდნენ. ქიზიყელებს უკან არასდროს დაუხევიათ. ეს არის ჩვენი ისტორია – გმირობის, ვაჟკაცობის და ერთგულების. მინდა რომ მუნიციპალიტეტის განვითარებაში პატარა წვლილი თქვენთან ერთად შევიტანო. მადლობას გიხდით მხარდაჭერისა და ერთგულებისთვის,“-ამ სიტყვებით მერობის კანდიდატმა, მალხაზ ბეგიაშვილმა ახალგაზრდებს მიმართა.
„ყველას მოგიწოდებთ კანდიდატის და მისი გუნდის მხარდასაჭერად. მჯერა, ეს გუნდი სიღნაღის მუნიციპალიტეტს განსაკუთრებით წინ წაწევს. ახლა არის დრო ადგილობრივ დონეზე საკუთარი ხალხის სამსახურის. მალხაზ ბეგიაშვილი არის ღირსეული კანდიდატი და თქვენს სამსახურში ჩადგება შემდეგი ოთხი წლის განმავლობაში,“- აღნიშნა შეხვედრისას შალვა პაპუაშვილმა.
შეგახსენებთ, რომ საქართველოში ადგილობრივი თვითმმართველობის არჩევნები 2 ოქტომბერს გაიმართება.
კომენტარები