სტატისტიკის ეროვნული სამსახურმა აბსოლუტირი სიღარიბის მაჩვენებელი განაახლა.
უწყების ცნობით, სიღარიბის აბსოლუტურ ზღვარს ქვევით საქართველოს მოსახლეობის 19.5% იმყოფება, რაც 2004 წლიდან ხელმისაწვდომი აბსოლუტური სიღარიბის მაჩვენებლის მინიმალური მნიშვნელობაა.
სტატისტიკის მიხედვით, გასული წლის მონაცემებით, სოფლად მოსახლეობის 23.7% ცხოვრობს სიღარიბის ზღვარს ქვევით, ქალაქში კი – 16.4%.
ცნობისთვის, 2018 წელს საქართველოს მოსახლეობის 20.1% ცხოვრობდა სიღარიბის აბსოლუტურ ზღვარს ქვევით, რაც იმას ნიშნავს, რომ სიღარიბის აბსოლუტური მაჩვენებელი 2019 წელს 2018 წელთან შედარებით 0,6%-ით არის შემცირებული.
2018 წელს საქართველოს მოსახლეობის 20.1% ცხოვრობდა სიღარიბის აბსოლუტურ ზღვარს ქვევით, 2017 წელს აღნიშნული მაჩვენებელი 21.9% იყო, ხოლო 2016 წელს – 22%.
ცნობისთვის, აბსოლუტური სიღარიბის დონე აჩვენებს, რამდენ ადამიანს არ მიუწვდება ხელი აუცილებელ მინიმალურ საარსებო პირობებზე.
კომენტარები