• რეკლამა
  • კონტაქტი
22:04, ხუთშაბათი, 30 მარტი, 2023
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
არაფერი მოიძებნა
იხილეთ ყველა შედეგი
არაფერი მოიძებნა
იხილეთ ყველა შედეგი
მთავარი ახალი ამბები

შვილი უთხრის მიწას მამას? – თქვენ ხართ ყველაზე დიდი ანტივაქსერები, თქვენ შეაძულეთ ხალხს ვაქცინა! – გიორგი ფხაკაძე

ალია ავტორი - ალია
17:00 03-16-2021
- ახალი ამბები, მთავარი, რედაქტორის რჩევით
A A
0
Facebook-ზე გაზიარება
123

გაეროს გენერალური მდივნის მრჩეველი ჯანდაცვის საკითხებში, პროფესორი გიორგი ფხაკაძე,  სოციალურ ქსელში, ვიდეომიმართვას ავრცელებს:

“აპლიკაციით დაწყებული, მოლაპარაკებებით დამთავრებული, ყველგან ჩავარდნა იყო ჩვენ სისტემაში. ყველა ეს “ტიპი” – სხვა სიტყვას ვერ ვპოულობ, არის დამნაშავე. ოპოზიციურ პარტიებმაც საქმეზე გადასვლის ნაცვლად, სხვა საუბარი არჩიეს. ყველა ყოფილი მინისტრი, ყოფილი მინისტრების ყოფილი მოადგილეები, კომიტეტების თავმჯდომარეები ყოფილები, ყველანი არიან დამნაშავე იმაში, სადამდეც მივიდა სისტემა. რომ იყავით – რა გააკეთეთ? ამიტომ ვლანძღავ ყველას – სალანძღავები არიან, ზოგი დასაჭერია, ზოგი ციხეშია ჩასასმელი…

აეროპორტს გავხნით, ფრენა გაიხსნება ერთ თვეშიო – გაიხსნა? ატყუებდით ხალხს, რომ აი, ერთი თვე გადავაგოროთ და ამ გადაგორება-გადაგორებაში გაანადგურეთ ქვეყანა.

ეს სამი მუშკეტერი და დარტანიანები ვინც ხართ, ხალხი თავიდან თქვენზე ლოცულობდა, პოლიტიკაში რა ჯანდაბა გინდოდათ? არ შეიძლება ექიმი და პოლიტიკა. ეშმაკიც რომ მოვიდეს და კუდი ჰქონდეს მოტეხილი, უნდა უმკურნალო და მერე სხვებმა მიხედონ. ექიმს არა აქვს მისი განსჯის უფლება. ექიმის ფუნქციაა თქვას სიმართლე და იფიქროს ჯანმრთელობაზე. დაიკარგა თქვენი ნდობა და ესაა მთელი უბედურება.

ერთი ქალბატონი მწერს დღეს, ვნახე რა თქვით, ბატონ ამირანზე და ეს როგორ აკადრეთო… ვცდილობ კორექტული ვიყო, მაგრამ ამომასხა ამ ნეპოტიზმმა, არაპროფესიონალიზმმა, კორუფციამ. თქვენ არ ამოგასხათ? ამდენი არაპროფესიონალი ყველა კუთხით? ისეთი საშინელი მდგომარეობაა ქვეყანაში, ხიდიდან გადმოსახტომები ვართ.

მე ქუთაისელი ვარ და გული გამისკდა რომ დავინახე აქცია, ვთქვი, ვაუ, რამდენი ხალხია… და ტელევიზორი რომ ჩავრთე, ქუთაისის აცია იყო მეათხარისხოვანი… ვიღაცა ხალხი კაბინეტებში რაღაცას ჩალიჩობს, ეს ყოფილა მთავარი და ათასობით ქუთაისელი რომ გამოვიდა გარეთ ეს ყოფილა მეათეხარისხოვანი. გავგიჟდი. ეს ქვეყანა რისთვის და ვისთვის არის? ხალხისთვის არ არის? ხალხია გამოსული ყველაზე ბუნჩულა ქალაქში – ხუმრობა-ხუმრობით ატარებენ ყველაფერს. ქუთაისლები რომ გამოდიან გარეთ, უნდა ვაღიაროთ რომ პრობლემაა ქვეყანაში და არ არის მხოლოდ ჰესში საქმე. ამ თამაშ-თამაშით, ამ აქციებით, ვირუსი ბრუნდება, აფეთქდება ისევ. ხედავ, რომ ხალხი გამოდის, უნდა წახვიდე დათმობებზე. ეს ქვეყანა ეკუთვნის ხალხს.

ვერ ვიქნები ამ კლანების, ყაჩაღების, ძველი ბიჭების, “სასტავის” ტიპი. ყაჩაღების ხელშია ქვეყანა შევარდნაძის მმართველობიდან დაწყებული, დღემდე.

ქუთაისში დროშა ვერ დაკიდეთ, ვაქცინა ვერ ჩამოიტანეთ და რომ ჩამოიტანეთ ჩააფლავეთ სისტემა. ეს არის თავის მოჭრა.

ახლა “ევექსზე” – მე ვიყავი “ევექსის” გენერალური დირექტორის მოადგილე, როცა ჯერ კიდევ იწყებდა ფეხის ადგმას. მე ერთი წელიწადი ვიმუშავე და ძალიან ბევრი ენერგია ჩავდე. 16 პროექტი დავუტოვე და რომ წამოვედი, ვერც ერთი ვერ გააკეთეს მაგ უპატრონოებმა და გაუნათლებლებმა. დიახ, გაუნათლებელებმა!

ზუგდიდში გავაკეთეთ პირველებმა ვაქცინაო, თქვეს ეს არის სახელმწიფოებრივი პროგრამა, შენ რა გააკეთე? ეს არის სახელმწიფო პროგრამა. მამამისი აკეთებს ვაქცინაციის პროგრამას და შვილი უთხრის მიწას მამას?

ყველამ იცის, რომ დაავადებათა კონტროლის ცენტრი უთხრის მიწას ჯანდაცვის მინისტრის, კი უარყოფენ, მაგრამ ეს ყველამ იცის – რად გვინდა ზღაპრები და ყველაფერი კარგადააო, ძახილი… – რა კარგადაა? ვერ იტანენ და ჭამენ ერთმანეთს. ტელევიზორითაც მიხვდებით, კომუნიკაცია არა აქვთ, ინფორმაციის გაცვლა არა აქვთ, ერთი ამბობს ერთს და მეორე – მეორეს. მერე შვილი გამოდის, მეო, ვაქცინები ჩამომაქვსო. ზუგდიდში გავაკეთე პირველი ვაქცინაო. ამ ქვეყანაში ვერ გავიგე ვისი…

ფაქტია, კახელმა კაცმა რომ უთხრა ელისაშვილს, ა, ეგრეა რა.

ისე გადაიღეს ეს ვიდეო თან, კარგადაც ვერ გადაიღეს, აფეთქდა ინტერნეტი, ყალბი წამალი გაუკეთესო… რუსთავი2-საც რა ვუთხარი, რა გჭირთ, ანადგურებთ ამ ქვეყანას? ეს ხომ მავნებლობაა? 37 წელი რომ იყოს ახლა, უკვე დახვრეტილები იქნებოდით.

აი, პაატას გაუკეთეს ნორმალურად – ტრენინგი გაიარეს, აჩვენეს წამალი და სპექტაკლი დადგეს და ეს რა უბედურება იყო ზუგდიდში? 15 წუთით ადრე გავაკეთეო… და ჰგონიათ “ევექსმა” რეკლამა გაიკეთა? ამაზე მეტი ანტირეკლამა რა შეილება იყოს?

ჭკუა რომ არ გაქვთ, გავიგეთ, გაკოტრებულ კომპანია რომ ხართ, გავიგეთ, ლონდონიდან რომ გამოგაგდეს – გავიგეთ, მაგრამ, ასეთი რამის ჩადენა?

დაავადებათა კონტროლი – სირცხვილია, ვერაფერს აკეთებთ და ვიღაცა გოგო გამოვიდა, რაღაცა დეპარტამენტის ხელმძღვანელი კომენტარებით, სირცხვილია… გაეროში მუშაობ და რა უფლებით ლაპარაკობო, მეუბნება… იმის ნაცვლად, რომ ბატონო გიორგი, იქნებ დაგვეხმაროთ, გამოდიხართ და ამას ამბობთ? დასაჭერები ხართ…

თქვენ ხართ ყველაზე დიდი ანტივაქსერები ამ ქვეყანაში, ყველაფერი გააკეთეთ და ხალხს შეაძულეთ ვაქცინა.

თქვენზე ასჯერ მეტი გამოცდილება მაქვს, რომელი თქვენთაგანი მუშაობდით საერთაშორისო ორგანიზაციაში? რომელი თქვენთანაგნი მუშაობდით ჯანდაცვის მსოფლიო ორგანიზაციაში ჟენევაში? ისე კი არა, მოადგილის, მოადგილის კლერკად რომ მუშაობდა ერთი, არ დავასახელებ სახელს და გვარს. თქვენობით და ბოდიშებით უნდა მელაპარაკოთ. მე რომ გეხმარებით, იმას კი არ ნიშნავს რომ თავზე უნდა დამაჯდეთ, უზრდელები! გაანადგურეთ და დედა უტირეთ ქვეყანას.

არ დაგავიწყდეთ, პირბადე, დისტანცია და ხელების დაბანა – მიტინგებზეც თუ მიდიხართ, დაიცავით დისტანცია!”

“ალია” დაუკავშირდა “ევექსს” – მაგრამ, “ევექსმა” კომენტარის გაკეთება არ ისურვა.

თეგები: ამირან გამყრელიძეგიორგი ფხაკაძეევექსიეკატერინე ტიკარაძენიკოლოზ გამყრელიძე

კომენტარები

რედაქტორის რჩევით

მიაწვდინეთ ეს ინფორმაცია მათ, ვინც იბრძვის “რესპუბლიკურის” გადასარჩენად – რას წერს კლინიკის მშენებლობის ხელმძღვანელის ვაჟი
ახალი ამბები

მიაწვდინეთ ეს ინფორმაცია მათ, ვინც იბრძვის “რესპუბლიკურის” გადასარჩენად – რას წერს კლინიკის მშენებლობის ხელმძღვანელის ვაჟი

18:31 03-30-2023
„ერთი მნიშვნელოვანი ფაქტი გამოგრჩათ ქართველ ჟურნალისტებს!“ – რას უყვება „ალიას“ სოსო ცინცაძე
ახალი ამბები

„მსოფლიო პოლიტიკაში პუტინი იყო „კანონიერი ქურდი“ და დღეს არის „გაფუჭებული ქურდი“ – სოსო ცინცაძე

19:15 03-29-2023
„ზაზა სვანაძის დაჯგუფებამ და გოგა ხაინდრავას „დევიატკამ“ ისე ჩაცხრილეს ავტობუსში, გამსახურდიას უირაღო  მომხრეები, ჯაბა იოსელიანიც კი აღშფოთდა – მიქარვა მოუვიდათო“ – რას იხსენებს სანდრო ბრეგაძე?
ახალი ამბები

„ზაზა სვანაძის დაჯგუფებამ და გოგა ხაინდრავას „დევიატკამ“ ისე ჩაცხრილეს ავტობუსში, გამსახურდიას უირაღო მომხრეები, ჯაბა იოსელიანიც კი აღშფოთდა – მიქარვა მოუვიდათო“ – რას იხსენებს სანდრო ბრეგაძე?

17:04 03-29-2023
„სინდისი გაქვთ?!. ვინც უკანონო, დანაშაულებრივ ბრძანებებს ასრულებდა, თითქმის ყველა შეიფარეს, ყველა მათიანია და ვიღას ახსენებენ იმ 9 წელს?“ – ეკა ბესელია
ახალი ამბები

„სინდისი გაქვთ?!. ვინც უკანონო, დანაშაულებრივ ბრძანებებს ასრულებდა, თითქმის ყველა შეიფარეს, ყველა მათიანია და ვიღას ახსენებენ იმ 9 წელს?“ – ეკა ბესელია

16:50 03-26-2023

ბიზნესი

თიბისი კონცეპტში ინტერდისციპლინური კულტურის ფესტივალი „ხიდი: თბილისი – ციურიხი“ ტარდება
ბიზნესი

თიბისი კონცეპტში ინტერდისციპლინური კულტურის ფესტივალი „ხიდი: თბილისი – ციურიხი“ ტარდება

11:21 03-30-2023
„ტოიოტა ცენტრი თბილისი“ მომხმარებელს ახალი თაობის Corolla Cross-ის ტესტ-დრაივზე იწვევს
ახალი ამბები

„ტოიოტა ცენტრი თბილისი“ მომხმარებელს ახალი თაობის Corolla Cross-ის ტესტ-დრაივზე იწვევს

13:31 03-29-2023
თიბისი კონცეპტი და გაზეთი სამასსამოცდახუთი გიწვევთ საუბრებზე „ქართულ ჟურნალ-გაზეთების ისტორია”
ბიზნესი

თიბისი კონცეპტი და გაზეთი სამასსამოცდახუთი გიწვევთ საუბრებზე „ქართულ ჟურნალ-გაზეთების ისტორია”

11:08 03-28-2023
ონკოლოგიური და ძვირადღირებული მედიკამენტების მომსახურება PSP-სთვის მომგებიანი არასდროს ყოფილა
ახალი ამბები

ონკოლოგიური და ძვირადღირებული მედიკამენტების მომსახურება PSP-სთვის მომგებიანი არასდროს ყოფილა

18:34 03-27-2023
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • არქივი

Powered By || My Software || © 2022 Alia.ge - All rights reserved

არაფერი მოიძებნა
იხილეთ ყველა შედეგი
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • რეკლამა
  • კონტაქტი

Powered By || My Software || © 2022 Alia.ge - All rights reserved