შვეიცარიამ ბელარუსის პრეზიდენტის, ალექსანდრ ლუკაშენკოს ფინანსური აქტივები დააყადაღა. ინფორმაციას „როიტერი“ ავრცელებს.
შვეიცარიის მთავრობაში აცხადებენ, რომ გადაწყვეტილება ბელარუსში საპრეზიდენტო არჩევნების შემდგომ დაწყებული არეულობის საპასუხოდ მიიღეს.
ალექსანდრ ლუკაშენკოს და მისი შვილს, ვიქტორ ლუკაშენკოს შვეიცარიაში შესვლა ან შვეიცარიის გავლით გადაადგილება აკრძალული აქვთ.
„შვეიცარია შეშფოთებულია მიმდინარე დაძაბულობით და ბელარუსის მთავრობას სამოქალაქო საზოგადოებასთან მოლაპარაკებებისკენ მოუწოდებს“,- ნათქვამია მთავრობის განცხადებაში.
შვეიცარიის მთავრობა ბელარუსში აქციებზე დაკავებული პირების გათავასუფლებასა და სპეცსამსახურების მიერ წამებისა და ძალადობრივი მეთოდების გამოყენების ფაქტების გამოძიებას ითხოვს.
კომენტარები