შვედური მედიის ინფორმაციით, შვედეთმა უკრაინის მიერ დასანქცირებული სატვირთო გემი Caffa ბალტიის ზღვაში დააკავა.
მათი განცხადებით, წინასწარი გამოძიება გემის მიერ საზღვაო რეგულაციების დაუმორჩილებლობის გამო დაიწყეს.
„გემი უკრაინის სანქციების სიაშია. მისი საკუთრების სტრუქტურა დაუდგენელია და არსებობს ეჭვი, რომ დაზღვეული არ არის. გასულ ზაფხულს გემმა რუსული დროშა გვინეის დროშით შეცვალა“, – განაცხადა შვედეთის სამოქალაქო თავდაცვის მინისტრმა, კარლ-ოსკარ ბოლინმა.
გამოცემა SVT უკრაინულ მხარეზე დაყრდნობით წერს, რომ გემი რუსეთის მიერ დროებით ოკუპირებული ყირიმიდან მარცვლეულის ქურდობაში იყო ჩართული.
კომენტარები