“შურს მიცვალებულის. მთელი ცხოვრებაა ამ ერთ კაცს ებრძვის” – ვიკა ბუკია

ჟურნალისტი, ვიკა ბუკია:

შემზარავი ფოტოა. შურს მიცვალებულის. და საერთოდ, მთელი ცხოვრებაა ამ ერთ კაცს ებრძვის, ყველა ფარულ შეხვედრაზე ლანძღავს, ახლა კი დასცქერის უკვე გარდაცვლილ მოხუცს.

საპატრიარქო კი დააზიანა, მაგრამ როგორც ჩანს, ილია მეორეს ვერაფერი დააკლო. ჰოდა, სახეზე თითქოს ამით გამოწვეული ბრაზიც იკითხება, ნერვების მოშლა, მოულოდნელი გააზრება, რომ თურმე ილია მეორემ გაუძლო მის წინააღმდეგ დაგეგმილ ყველა მზაკვრულ პოლიტიკურ თამაშს.

და საერთოდ, თუ უყურეთ მას ამ ცერემონიალში, აუცილებლად შეამჩნევდით როგორ დაჩიავდა და დაპატარავდა ივანიშვილი იმ რაღაც დიდებულებაში, სიყვარულსა თუ ზღვარგადასულ პატივისცემაში.
იდგა საცოდავი,
ჩაკვეხებული ცერემონიალში,
ჩაკვეხებული სიტყვაში,
ჩაკვეხებული მეუფეებში.
და არ ვიცი რანაირად მოახერხა, რომ მისივე დანიშნულ ქოცებშიც ჩაკვეხებული გამოჩნდა.

დაკომპლექსებული, შეშინებული, შურიანი, ეჭვიანი პარანოიკი. უსიყვარულოდ დარჩენილი, ჭირვეული ბავშვივით რომ აბაკუნებს ფეხებს: “გამომაცხადეთ რა. ჩემზეც თქვით “მისი აღმატებულება” რა, მეც მინდა”

ბავშვები ისტორიის წიგნში ისწავლიან როგორ დააზიანა ეკლესია ივანიშვილმა სასულიერო პირების მოსნმენებით, შანტაჟით, მიყურადებით. სწორედ ივანიშვილის დროს იქცა ეკლესიის ლანძღვა ყოველდღიურობის ნაწილი. ის ტკბებოდა ამ ყველაფრით. ოლიგარქის (სხვათა შორის, უსაფუძვლო) სიძულვილს პატრიარქისადმი – შეეწირა ეკლესიის რეპუტაცია.

ახლა რას იზამს? სიცოცხლეში რაც ვერ მიითვისა, გარდაცვლილისგან წაღებას დააპირებს.

ცუდია კაცია ეს, ძვირფასო მორწმუნენო. არც ღმერთის სწამს, არც – სამშობლოსი.