“შთამბეჭდავი ცინიზმია” – ლუდმილა დენისოვა მიხეილ სააკაშვილის რუსთავში გადაყვანას ეხმაურება

წამება და სიცოცხლის უფლების ხელყოფა – ასე აფასებს მიხეილ სააკაშვილის გორის ჰოსპიტალიდან გატაცებას უკრაინის სახალხო დამცველი. ლუდმილა დენისოვა საგანგებო მიმართავ ავრცელებს.

„აღშფოთებულები ვართ უკრაინის პრეზიდენტთან არსებული რეფორმების ეროვნული საბჭოს აღმასრულებელი კომიტეტის თავმჯდომარის, მიხეილ სააკაშვილის გორის სამხედრო ჰოსპიტალიდან რუსთავის ციხის დაწესებულებაში გადაყვანის ფაქტით. შთამბეჭდავი ცინიზმია, რაც მოხდა. ცუდად მყოფი მიხეილი ნების საწინააღმდეგოდ ადვოკატების გაფრთხილების გარეშე ღამით გადაიყვანეს. მისი ჯანმრთელობის მდგომარეობა კრიტიკულია და შეშფოთებას იწვევს: სამი ჰიპერტონული კრიზისის შემდეგ თავს უკიდურესად მძიმედ გრძნობს, რამდენიმე დღით ადრე საწოლიდან ვერ ადგა. მას არ დაუნიშნეს ახალი ექიმი, ხოლო მკურნალობის სტრატეგიის შესახებ გადაწყვეტილება დამტკიცებული იყო სხვადასხვა პროფილის ექიმების მიერ“, – წერს დენისოვა.

ლუდმილა დენისოვა მოუწოდებს საქართველოს სახალხო დამცველს, მესამე პრეზიდენტი რუსთავის ციხეში და შეამოწმოს, ირღვევა თუ არა მისი უფლებები.

მივმართავ საქართველოს სახალხო დამცველს ნინო ლომჯარიას, მოინახულოს მიხეილ სააკაშვილი სასჯელაღსრულების დაწესებულებაში მისი უფლებებისა და თავისუფლებების დაცვის შემოწმების მიზნით.

ვთხოვ საქართველოში უკრაინის ელჩს უზრუნველყოს მიხეილ სააკაშვილისთვის საკონსულო დახმარების გაწევა. მოვუწოდებ უცხო სახელმწიფოებს და საერთაშორისო ორგანიზაციებს, დაგმონ საქართველოს რესპუბლიკის თანამდებობის პირების ქმედებები, რომლებიც არღვევენ უკრაინის მოქალაქის მიხეილ სააკაშვილის უფლებებს და მოვითხოვთ საქართველოს ხელისუფლებისგან მისი უფლებების აღდგენას“, – წერს დენისოვა „ფეისბუქში“.

მიხეილ სააკაშვილი გორის სამხედრო ჰოსპიტალიდან რუსთავის სასჯელაღსრულების მე-12-ე დაწესებულებაში გუშინ გვიან ღამით გადაიყვანეს.