შრი-ლანკას პრეზიდენტი გოტობაია რაჯაპაკსა, რომელიც ქვეყნიდან ივლისში მასობრივი პროტესტის გამო გაიქცა ქვეყანაში დაბრუნდა. რაჯაპაკსა ტაილანდში დროებითი ვიზით იმყოფებოდა.
BBC-ის ინფორმაციით, მას აეროპორტში შრი-ლანკას რამდენიმე მინისტრი დახვდა.
შრი-ლანკას მოსახლეობა მთავრობას ეკონომიკური მდგომარეობის მკვეთრ გაუარესებაში ადანაშაულებს. უცხოური ვალუტის კოლაფსმა ქვეყანაში საკვებისა და საწვავის დეფიციტი გამოიწვია.
საპროტესტო გამოსვლები აპრილში საწვავისა და საკვებზე გაზრდილი ფასების გამო დაიწყო. ასი ათასობით ადამიანი პრეზიდენტ რაჯაპაკსისა და მისი ძმის მაჰინდას გადადგომას მოითხოვდა, რომელსაც მაშინ პრემიერმინისტრის თანამდებობა ეკავა.
ივლისში ათასობით მომიტინგე პრეზიდენტის რეზიდენციაში შეიჭრა, რის შემდეგაც რაჯაპაკსი ქვეყნიდან გაიქცა ჯერ მალდივებზე, შემდეგ კი სინგაპურში, საიდანაც გადადგომის შესახებ განაცხადა.
კომენტარები