სრულიად საქართველოს კათოლიკოს-პატრიარქის მდივან-რეფერენტის, შორენა თეთრუაშვილის შუალედური PCR ტესტირება ჩაუტარდა და მას კორონავირუსი დაუდასტურდა, – ინფორმაციას საპატრიარქოს საზოგადოებასთან ურთიერთობის სამსახური ავრცელებს.
„ამჟამად ქალბატონი შორენა თეთრუაშვილი თავს კარგად გრძნობს და დაავადება სრულიად უსიმპტომოდ მიმდინარეობს“ – აღნიშნულია საპატრიარქოს განცხადებაში.
როგორც ჩანს, ამ ამბის გამო, ჟურნალისტები ანდრია ჯაღმაიძეს ურეკავენ ინფორმაციის დასაზუსტებლად და საპატრიარქოს საზოგადოებასთან ურთიერთობის სამსახურის უფროსი, სოციალურ ქსელში, წერს:
“შემოდის უამრავი ზარი, ვთხოვ ჟურნალისტებს, თვალი ადევნეთ საზოგადოებასთან ურთიერთობის სამსახურის გვერდს, თუ რაიმე სიახლე იქნება, ინფორმაციას იხილავთ ამ გვერდზე.”
კომენტარები