საქართველოს საზოგადოებრივ საქმეთა ინსტიტუტის (GIPA) პროფესორი, გიორგი კობერიძე, აქვეყნებს რუკას და წერს:
10 სექტემბრის 18:00 საათის მდგომარეობით უკრაინის არმიამ შეტევა წამოიწყო ლუგანსკის რაიონში, ქალაქი ლისიჩანსკის მიმართულებით. ისინი შოკის ეფექტს იყენებენ. რთული სათქმელია ქალაქამდე მივლენ და შეეცდებიან მის აღებას თუ რუსულ ნაწილებს საბრძოლო მოქმედების სხვა არეალში გადასროლად უშლიან (აბამენ ამ მიმართულებაზე), მაგრამ ამ მონაცემებით საბრძოლო მოქმედებები ლუგანსკის რაიონში დაბრუნდა.
უკრაინელთა მეორე შემტევი ჯგუფი ხარკივის (ხარკოვის) რაიონში რუსეთის საზღვრისაკენ დაიძრა (ზოგიერთ მონაკვეთზე ისედაც არიან საზღვარზე გასულები). ვრცელდება ჯერ კიდევ დაუდასტურებელი ინფორმაცია, რომ დესანტირება მოხდა ხოტიმლიაში – სტარი სალტივის მოპირდაპირედ. პანიკურია რუსების უკანდახევა თუმცა მოსკოვი ცდილობს ეს მოჩვენებითი კონტროლითა და ორგანიზებული უკანდახევით შენიღბოს.
მესამე შემტევმა დაჯგუფებამ ლიმანის სიღრმეში შეაღწია და გაწმენდას ასრულებს. ქალაქი მალე სრულად გათავისუფლდება.
(რუკაზე ყვითლად 4-10 სექტემბერს უკრაინელთა მიერ გათავისუფლებული ტერიტორიაა)
კომენტარები