შიმშილობის და პოლიტიკური მძველობის მეთორმეტე დღე – საქართველოს მესამე პრეზიდენტი “ქართულ ოცნებას” ისევ სამარტოო საკანში ყავს იზოლირებული. რუსთავის N12 პენიტენციური დაწესებულების ადმინისტრაცია მიხეილ სააკაშვილთან მის მკურნალ ექიმს არ უშვებს.
მდგომარეობის შესახებ არაფერი ვიცი, იმიტომ, რომ გუშნ ვერ მოხერხდა ჩემი შესვლა. ახლა ველოდები ზარს ადვოკატებისგან და ძალიან დიდი იმედი მაქვს, რომ დღეს ვნახავ ბატონ პრეზიდენტს. ასევე, აუცილებლად უნდა შევხვდე ციხის ექიმებს. ჩემს საშვს გაუვიდა ვადა. ქალბატონი გიული იყო შესული და იმანაც მითხრა, რომ არა უშავსო. რასაკვირველია, შიმშილობა არ არის კარგი ამ დროს, მე ამას ვამბობ როგორც ექიმი, მაგრამ ჯერჯერობით ბატონი პრეზიდენტი ძალიან მტკიცედ არის თავის გადაწყვეტილებაში, რომ იშიმშილოს, – ამბობს ნიკოლოზ ყიფშიძე.
მესამე პრეზიდენტთან შესახვედრად პარლამენტის თავმჯდომარის ნებართვის მოლოდინში არიან სააკაშვილის ყოფილი და მოქმედი პოლიტიკური თანაგუნდელებიც. “პირველების” ინფორმაციით, ექსპრეზიდენტთან შეხვედრა სურს გრიგოლ ვაშაძესაც. სპეციალური ნებართვით ვაშაძემ პარლამენტის თავმჯდომარეს უკვე მიმართა.
დღეს მესამე პრეზიდენტთან შეხვადრედად მისი უფლებადამცველებმაც მივლენ. ადვოკატი ბექა ბასილაია ამბობს, რომ ექსპრეზიდენტთან დაცვის სტრატეგიასთან დაკავშირებით ისაუბრებენ. მისი თქმით, მათი ინტერესის საგანს მიხეილ სააკაშვილის შიმშილობას წარმოადგენს.
ყოველდღიურად შევდივართ მიხეილ სააკაშვილთან, დღესაც შევალთ, მოვინახულებთ, ვისაუბრებთ მიმდინარე საკიოთხებზე, იმ სამართლებრივ პროცედურებზე, რაზეც ჩვენ, მიუხედავად იმისა, რომ ქართული მართლმსაჯულება დუმს და ყურებიც დაცული აქვს ჩენს მოთხოვნებზე, მაინც ვაპირებთ, რომ განვახორციელოთ ყველა პროცედურა, რის შესაძლებლობასაც იძლევა კანონმდებლობა. ამავდროულად, ჩვენ დაინტერესებულები ვართ მიშას ჯანმრთელობის მდგომარეობით, – ამბობს ბექა ბასილაია.
არსებული ინფრომაციით, მესამე პრეზიდენტი ახლა მხოლოდ წყალს იღებს. სპეციალისტების ვარაუდობენ, რომ მისი მდგომარეობა შესაძლოა, უახლოეს დღეებში დამძიმდეს.
„ტვ პირველი“
კომენტარები