საზოგადოება „ერი და სახელმწიფოს“ თავმჯდომარე ზვიად ტომარაძე სოციალურ ქსელში წერს:
„დღეს ქუთაისში ძალიან ბევრი ადამიანი შეიკრიბება, რაც ძალიან მახარებს, მაგრამ ახლავე უნდა ვიფიქროთ იმაზე, რომ ჩვენ ვეჯახებით სისტემას, რომელიც ფლობს განუზომელ ძალაუფლებას, როგორ ფინანსურს, ასევე სხვადასხვა ძალოვანი სამსახურების სახით და შეცდომის დაშვება შეიძლება ძვირად დაგვიჯდეს. ეს სტატუსი არ დავწერე გუშინ და ვწერ ახლა, რადგან ჩასაფრებული ადამიანებისთვის, რომელთა ნაკლებობასაც არ ვუჩივი, არ მიმეცა საბაბი ეთქვათ, რომ ქუთაისში დაგეგმილ აქციას თუნდაც სულ მცირე ფორმით ვაკნინებ ან ხელს ვუშლი, პირიქით სწორედ ქართველი ხალხის ეს შემართება და გამოღვიძება არ მინდა გადაიქცეს მორიგ იმედგაცრუებად, რაზეც ოცნებობენ მტრები და ამ მიმართულებით “სამუშაოებიც” დაწყებულია! ჩემს აზრს შემოგთავაზებთ:
1. გუშინ აქციის ორგანიზატორებისგან მოვისმინეთ, რომ დღეს ქუთაისში, მოედანზე ღამის გათენებას აპირებენ, სხვადასხვა რაიონებიდან ჩასული ხალხი უფრო რადიკალური ნაბიჯების მომხრე იქნება და ქუთაისში ღამის გათევის პერსპექტივა, შესაძლოა მათი უკმაყოფილების საფუძველი გახდეს (სპეცსამსახურებიც ეცდებიან ამას), ახლაც მწარედ მახსოვს თუ როგორი გაწბილებული ვბრუნდებოდი სახლში 2008 წელს იპოდრომიდან, 2009 წელს სტადიონიდან (სამებაში ასვლა) და სხვა…
2. ქუთაისიც და ქუთაისში მცხოვრები ხალხიც ძალიან მიყვარს, მაგრამ დღეს ფრონტის მთავარი ხაზი გადის თბილისში, რადგან აქ არის განთავსებული როგორც ეკონომიკის და გარემოს დაცვის სამინისტროები, ასევე პარლამენტი და კანცელარია, ამიტომ თუ პროცესები თბილისში არ გადმოინაცვლებს, მიზნის მიღწევა ძალიან რთული იქნება!
3. უნდა მოხდეს პასუხისმგებლობის გადანაწილება, არ შეიძლება ერთ კაცს (თუნდაც ყველანაირი დადებითი თვისებებით შემკულს) ავკიდოთ ამხელა ტვირთი, “სისტემასაც” სწორედ ეგ უნდა, რომ ერთ კაცზე იყოს ჩამოკიდებული პროტესტი, რადგან ერთ კაცს უფრო მარტივად “მოუხერხებენ” რაიმეს თავისი დროში გამოცდილი და დამუშავებული მეთოდებით. ჯობია მე ვცდებოდე, ვიდრე ის შეცდომები გავიმეოროთ, რა შეცდომების გამოც აგერ უკვე 30 წელი ანტიეროვნული ხელისუფლებების პირობებში ვიმყოფებით…“
კომენტარები