სამი პოლიციელი და ათი მომიტინგე დაშავდა ისრაელის ქალაქ აშდოდში, ულტრაორთოდოქს დათიმების კვარტალში მომხდარი შეტაკების დროს.
როგორც ისრაელის საინფორმაციო სააგენტო News.col.il იუწყება, ულტრაორთოდოქსების კვარტალში პოლიციის გაძლერებული რაზმი მას შემდეგ მივიდა, რაც აშდოდის მერიის ინსპექტორებს თავს დაესხნენ აღნიშნულ კვარტალში არსებული კაფეების მეპატრონეები რომლებიც კორონაინფექციის გამო შემოღებული შეზღუდვების მიუხედავად მაინც აგრძელებენ მუშაობას.
როგორც სააგენტო News.col.il წერს, დათიმების კვარტალში მისულ მერიის ინსპექტორებმა პოლიცია მას შემდეგ გამოძახეს, რაც მათ მანქანას ქვები დაუშინეს და ჯოხებით ცემა დაუწყეს.
ულტრაორთოდოქსები ასევე ქვების და ცარიელი ბოთლების სროლით გაუმასპინძლდნენ შემთხვევის ადგილზე მისულ პოლიციის სპეცდანიშნულების რაზმს. სააგენტო News.col.il -ს ცნობით პოლიციელებმა ათზე მეტი პროტესტანტი დააპატიმრეს და წინასწარი დაკავების იზოლატორში მოათავსეს.
აღსანიშნავია რომ, ულტრაორთოდოქსი ებრაელებით დასახელებული კვარტლები პრობლემას წარმოადგენს ისრაელის ხელისუფლებისათვის რადგანაც, ისინი ხშირ შემთხვევაში უარს აცხადებენ, კორონავირუსის გამო შემოღებული მკაცრი სანიტარული ნორმების და კარანტინის წესების დაცვაზე.
წყარო – GENEWS.EU
კომენტარები